TIRANE-Projekti i Unazës së Re, loti i parë do të tenderohet në një proces LIVE para kamerave. Në një deklaratë për mediat ministrja Belinda Balluku iu përgjigj Presidentit Meta duke theksuar se projekti nuk do të anulohet. Gjithashtu ministrja e Infrastrukturës dhe Energjisë Belinda Balluku u shpreh sot se është e hapur dhe gati për rishikimin me qëllim përmirësimin e projektit, që përfshin nyjen e rëndësishme te sheshi Shqiponja, por kurrsesi anulimin.
"Arsyeja pse po komunikoj sot me ju është nevoja për t'i dhënë fund aludimeve, deklaratave dhe lajmeve të rreme mbi projektin e Unazës së Re. Për ti bërë të qartë kujtdo, një herë e mirë, se projekti është i përmirësueshëm, po jo i bllokueshëm apo aq me pak i anulueshëm. Tirana dhe gjithë Shqipëria që kalon në atë segment kur vjen në kryeqytet, s'mund të merret peng nga askush dhe për asnjë arsye.
Është folur e stërfolur për kosto e për kilometra, por projekti është tejet kompleks dhe me një numër të konsiderueshëm nyjesh e veprash arti në një distance relativisht të shkurtër, po ama në mes të një zone të populluar ku intensiteti i banimit dhe aktivitetit do shkojë duke u rritur. Pra edhe kompleksiteti i projektit ka një arsye të veten shumë legjitime. Informoj për të përhapur çdo mjegull mediatike, se loti i dytë dhe i tretë do të vazhdojnë sipas procedurave të kryera.
Po ashtu, procesi i shpronësimeve është në vijë sipas ligjit e në respekt të së drejtës të çdo subjekti që gëzon një titull pronësie. Familje në mes të katër rrugëve, qoftë edhe kur nuk e kanë një titull pronësie ne nuk do të lëmë. Prishjet e godinave që pengojnë projektin do të vazhdojnë pa asnjë diferencim, sipas ligjit.
Është me rëndësi të nënvizohet se vetëm pak ditë më pare, Bashkia e Tiranës ka kaluar 8 plane zhvillimi (PDV) në Këshillin Teknik për parcela buzë unazës. Pse është me rëndësi? Sepse PDV janë instrumenta që u japin banorëve të asaj zone mundësinë e zhvillimit të pronës dhe të marrëveshjeve me zhvilluesit kur janë në një shtëpi apo biznes pa dokumente.
Ndërkohë, kam vendosur organizimin e një tryeze me Bashkinë e Tiranës dhe specialistë që të vlerësojmë në çdo aspekt teknik projektin e lotit 3 - duke mos përjashtuar edhe rishikimin e tij nëse ka vend për një rishikim që e përmirëson projektin - gjë që do ta bëjmë në çdo hap me çdo projekt e në çdo kantier, ku dalin probleme apo lindin ide fituese në të mirë të projektit. Fokusi i këtij vlerësimi do të jetë tek nyja strategjike e quajtur e Shqiponjës, ku çdo marzh sado i vogël përmirësimi do të konsiderohet me shumë seriozitet.
Së fundi, i kam kërkuar ARRSH-së që të përgatitet që çdo garë publike e organizuar prej atij institucioni të jetë live, para kamerave dhe publikut. Ndërkohë që dy projektet strategjike të PPP-ve për akset Milot - Balldren dhe Orikum - Llogara, do t'ia përcjell qeverisë dhe pastaj parlamentit, për të siguruara një debat transparent mbi faktet e shifrat, në sytë e publikut dhe evituar për aq sa mundemi, debatet e neveritshme me akuza e me shpifje për çdo punë që baltoset pa u nisur" deklaroi ministrja. Reagimi i ministres erdhi pas kërkesës së Presidentit për anulimin e projektit (lexo ketu).
Autoritetit Rrugor Shqiptar rihapi procedurat e garës për Lotin e parë të Unazës së Madhe të Tiranës më 13 dhjetor 2018 pas zgjidhjes së kontratës me bashkimin e operatorëve DH Albania & Biba X’. ‘DH Albania’ u përjashtua, duke iu zgjidhur kontrata, pasi rezultoi se kishte mashtruar me dokumentacionin. Pak ditë më parë kryetarja e ARRSH, Sonila Qato në një deklaratë për mediat është shprehur se ka vendosur skualifikimin e ofertave të paraqitura për Lotin e parë të projektit të‘Unazës së Re’. Sipas Qatos, ofertuesit nuk plotësojnë kriteret (lexo ketu). Një grup banorësh te Unaza e Re që preken nga projekti, por që banesat nuk i kanë me leje protestojnë prej më shumë se dy muajsh, pasi kërkojnë dëmshpërblim të plotë si pjesa tjetër. Por qeveria dhe bashkia u kanë garantuar bonus qiraje.
Komente
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Protesta para bashkisë, opozita: SPAK duhet të hetojë Belinda Ballukun, menaxhon 75% të buxhetit
25 Shtator, 12:23
Jemi te hapur per ta ndare torten se bashku
Përgjigju