Qeveri teknike? Balla i përgjigjet opozitës: Po bëheni qesharakë, entuziazmoni militantët! Edhe vetë e dini që s’ka për të ndodhur

Me ironi iu është përgjigjur ministri Taulant Balla thirrjeve të opozitës për qeveri teknike. I ftuar në emisionin ‘Studio Live’ në Report Tv, Balla thotë kjo kërkesë i ka përndjekur që nga dita e parë kur PS ka marrë qeverisjen, ndërsa thekson se po bëhen qesharakë pasi edhe ata vetë e dinë që një gjë e tillë s’do të ndodhë. Ministri e sheh si një taktikë për të entuziazmuar militantët.

“Kjo qeveria teknike i ka shoqëruar që nga dita e parë që kemi ardhur në qeverisje vendi. Neve na është besuar qeverisja në qershor 2013, në shtator është betuar qeveria, në tetor 2013 është kërkuar qeveri teknike. Kjo është bërë qesharake. Shqipëria s’ka asnjë minutë kohë për të humbur, qeveria është duke u përgatitur seriozisht për takimin e datës 15, sepse konferenca e dytë ndërqeveritare hap kapitujt, ato që quhen themeloret dhe është punë intensive e të gjithave niveleve, politik, administrative përfshirë edhe institucionet e pavarura. Edhe ata vetë e besojnë që kjo s’ka për të ndodhur. Kjo lloj thirrje entuziazmon militantët e partisë, tifozët. Të çohen tifozët e Lecces dhe thonë do mundim Interin. Interi në fund fiton 4 me 0”, u shpreh Balla.

LEXO EDHE:
Deputeti i LDK-së: Kurti ka blerë 582 milionë € energji në bashkëpunim me kompani serbe! Në dialogun me Serbinë sillet si ‘one man show'

TAG:
• taulant balla
• PS
• PD kaos ne kuvend
• studio live

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.9%

Vota total: 1586

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq