POP 5

Lajmet më të lexuara të 5 minutave të fundit

Kronikë

Qeveria: Edhe Berisha në 2009
bleu ambulanca tek kjo kompani

​Qeveria ka reaguar ndaj akuzave të Partisë Demokratike për blerjen e ambulancave nga Ministria e Shëndetësisë tek i njëjti biznesmen ku gjithashtu do të merren dhe makinat “Jakuar” për ministrat.
Qeveria ka reaguar ndaj akuzave të Partisë Demokratike për blerjen e ambulancave nga Ministria e Shëndetësisë tek i njëjti biznesmen ku gjithashtu do të merren dhe makinat “Jakuar” për ministrat.
 
Sipas kundërpërgjigjes së publikuar në faqen “transparenca.al” thuhet se, “ndryshe nga pretendimi i opozitës se fondi i është akorduar një kompanie të paracaktuar, pra pa zhvilluar tender, procedura e prokurimit ka qenë elektronike dhe e hapur” dhe tenderi është zhvilluar në vitin 2014.
 
Madje theksohet se dhe qeveria “Berisha” në vitin 2009 ka përzgjedhur të njëjtën kompani për të sjellë në Shqipëri 18 autoambulanca.
 
Me një fond prej 150 milionë lekësh, qeveria thotë se ka blerë 20 autoambulanca me të cilat u pajisën për herë të parë pas 12 vitesh 20 spitale rajonale.
 
Reagimi i plotë:
 
Investimi i fundit në sektorin e transportit në shërbimin shëndetësor, të cilin përmend deputetja Eleina Qirici, i përket vitit 2014 kur u blenë 20 autoambulanca për shërbimin shëndetësor dhe iu shpërndanë 20 spitaleve në mbarë vendin. Fondi prej 150 milionë lekë për blerjen e këtyre 20 autoambulancave, u bë i mundur me Aktin Normativ nr. 1, datë 17 shtator 2014.
Falë kësaj procedure, janë pajisur për herë të parë me autoambulancë, pas 12 vjetësh, spitalet rajonale të Shkodrës dhe Gjirokastrës, spitalet e Bulqizës, Kolonjës, Malësisë së Madhe, Tropojës, Kuçovës, Pukës, Krujës, Skraparit, Librazhdit, Përmetit, qendra shëndetësore e Himarës dhe Klinika Qeveritare Tiranë.
 
Ndryshe nga pretendimi i opozitës se fondi i është akorduar një kompanie të paracaktuar, pra pa zhvilluar tender, procedura e prokurimit ka qenë elektronike dhe e hapur prej datës 23 tetor 2014. Në këtë garë kanë marrë pjesë pesë operatorë ekonomik, nga të cilët tre prej tyre nuk dorëzuan ofertë. Në përfundim të procesit të hapur elektronik, më datë 19 nëntor 2014 fitues u shpall operatori ekonomik “Classic”, me vlerë 149,640,000 lekë (me TVSH).
 
Specifikimet teknike të procedurës së prokurimit ishin të njëjta me ato që u hartuan nga japonezët për procedurën e zhvilluar për blerjen e autoambulancave të Grantit Japonez në Dhjetor 2009 – JICA  – nga Ministria e Shëndetësisë në nëntor 2014.
 
Gjithashtu vlen të theksohet se kompania fituese zotëron eksperiencë në këtë fushe, pasi në vitin 2009 është përzgjedhur nga qeveria e kaluar për të sjellë në Shqipëri 18 autoambulanca.

Redaksia Online
(f.s/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku