Nënë Jorgjie Taka, 80 vjeç jeton e vetme në një banesë në lagjen "Apollonia" në Fier pasi prej 14 vitesh bashkëshorti ka ndërruar jetë. E moshuara ka dy fëmijë, një vajzë e cila është e martuar dhe jeton me familjen e saj ndërsa djali ndodhet në Greqi. "Kam dy fëmijë, një djalë dhe një vajzë, vajzën e kam të martuar dhe me fëmijë, kurse djalin e kam në Greqi me familjen. Unë jetoj vetëm, burri ka 14 vite që më ka vdekur", tha 80 vjeçarja.
Për shkak të situatës nga koronavirusi qeveria ka vendosur që pensionistët duhet të qëndrojnë në shtëpi deri në një urdhër të dytë, ndërkohë ata që janë të vetmuar do t'u shërbehet nga autoritetet sociale shtetërore. Por nënë Jorgjie Taka thotë se nuk ka marrë asnjë ndihmë nga bashkia dhe i duhet të shkojë vetë që të blejë bukën pasi nuk ka askënd që ta ndihmojë.
"Unë shkoj vetë të marrë bukë, se s'ka kush të marrë, unë nuk kam njeri", tha e moshuara. 80 vjeçarja tregon se në lidhje për pensionin e mori një punonjëse në telefon për t'ia dërguar në shtëpi, por "unë e marrë në bankë" tha ajo dhe për këtë shkak shkova e mora vetë.
"Jo askush s'më ndihmoi, për pensionin më telefonoi një vajzë dhe më pas thanë kush e ka në bankë duhet të shkojë ta marrë vetë dhe unë shkova", tha Jorgjie Taka. E pyetur nëse ka frikë nga koronavirusi, nënë Jorgjia thotë se nuk i trembet aspak. "Nuk kam frikë, pse të kem frikë, plak jam unë punë e madhe", tha 80 vjeçarja.
Merushe dhe Bari Grabova, 92 dhe 90 vjeç, janë një tjetër çift të moshuarish të cilët jetojnë vetëm pasi nuk kanë fëmijë. 92-vjerçarja prej 5 vitesh ka probleme me gjymtyrët për shkak të problemeve nga diabeti. E pamundur për të lëvizur ajo thotë se vazhdimisht janë ndihmuar nga komshinjtë, por si pasojë e koronavirusit tashmë i duhet të qëndrojnë në shtëpi.
"Vetëm me plakun jam, më parë më ndihmonin komshinjtë por tani nga koronaviursi ata janë mbyllur brenda dhe unë jam vetëm", tha Merushe Grabova. Merushja tregon se ka telefonuar bashkinë për t'i ardhur në ndihmë, por shton se i kanë thënë që do i vijnë por deri me tani pohon e moshuara që s'ka ardhur askush në derë.
"I telefonova bashkisë i thashë të më ndihmojnë se jam vetëm se unë nuk dal dot jam e sëmurë nga këmba, më thanë do më ndihmojë por se di akoma", tha e moshuara.
E gjendur në një situatë të vështirë e vetmja zgjidhje që i është gjendur, është një shitëse e një supermarketi të cilës i ka kërkuar t'ia dërgojë ushqimet në shtëpi. "Një supermarket e mora në telefon që të më sjellë disa ushqime. Unë nuk kam asnjë njeri", tha e moshuara.
Për të moshuarit e vetmuar situata nga koronavirusi ka vështirësuar edhe më shumë jetesën e tyre. Për shkak se edhe vetë nuk mund të dalin jashtë si masë për mbrojtjen nga koronavirusi. Ndërkohë autoritetet sociale shtetërore duhet t'i shërbejnë por në dy rastet e publikuara nga Report Tv ky fakt nuk ndodh, janë vetë të moshuarit ata që përpiqen të gjejnë një zgjidhje për të blerë ushqimet apo ilaçet.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
Keqe e ne keqe ,,edhe per ata te Bashkise qe se kahe Ndimuar .. Akoma me keqe djali le Nenen vetem. ! Pfiuuu.. Nje Zote e din..,,mbase seshte raste i vetem. ? Zoti e ndimofte mbase dhe ndonje komshi me zemer te gjere nese injapin Ndime ! Fatekeqesiiii...
Përgjigju