Mbledhja e Qeverisë në Fier, Rama: Herceptinë falas për të sëmurët me kancer

Qeveria është zhvendosur në Fier në mbledhjen e radhës. Pas përfundimit të mbledhjes, kryeministri Edi Rama në një deklaratë për mediat ka sqaruar vendimet që janë marrë nga paketa e investimeve për turizmin, te investimet në bujqësi, por edhe zgjerimin e listës së barnave të rimbursueshme dhe zgjidhjen përfundimtare për herceptinën, medikament për trajtimin e kancerit të gjirit. Sipas kreu të qeverisë, të sëmurët me kancer do përfitojnë herceptinën falas. 

Dy vendime të rëndësishme me impakt kombëtar janë marrë sot, së pari vendimi për listën e re të barnave të rimbursueshme, e cila është zgjeruar. Përveç 36 barnave të reja që do të rimbursohen nga shteti për të gjithë njerëzit në nevojë, do të përfshihet si një zgjidhje përfundimtare edhe Herceptima një zgjidhje jetike për ilaçin e gjirit. Përveç se i shtrenjtë ishte edhe problematik, tanimë do të jetë tërësisht falas. Bëhet më në fund një premtim me peshë të madhe dhe më në fund nuk do të ketë më mungesë të Herceptimës për të gjitha gratë dhe vajzat.  

Edi Rama

Një vendim i rëndësishëm i qeverisë është edhe ai për fermerët. Sipas kryeministrit, ata me xhiro mbi 5 mln lekë nuk do paguajnë TVSH. Për këtë qëllim, Rama kërkoi bashkimin e fermerëve. 

LEXO EDHE:
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm

Vendimi i dytë ka të bëjë me nxitjen e biznesit, kryesisht për fermerët. Kryeministri Rama tha se fermerët me xhiro mbi 5 mln lekë të reja do të përjashtohen nga pagimi i TVSH-së dhe për këtë arsye, ai kërkoi bashkimin e fermerëve për të kaluar këtë prag. Deri më sot për të gjithë prodhuesit bujqësor ka qenë një problem kapërcimi i masës 5 mln lekë të reja të xhiros për shkak të përfshirjes në TVSH. Ne ju themi të gjithë prodhuesve bashkohuni për të mos paguar TVSH. Për ata që do të kenë një xhiro më të lartë se 5 mln nuk do të ketë pagesë të TVSH-së. Është një nxitje e mëtejshme për të krijuar premisa për bashkime që janë të domosdoshme dhe që kanë më tepër impakt tek vlera e prodhimit bujqësor dhe tek fondet e Bashkimit Evropian.

Bashkohuni sepse është në interesin e çdo fermeri të bashkohet, është në interesin e ekonomisë bujqësore.  Së fundmi, dua të theksoj se po në këtë vendim për të nxitur sipërmarrje, ne kemi krijuar edhe fondin e sipërmarrje të reja me mbështetje drejtpërdrejt nga buxheti i shtetit, duke krijuar një tjetër instrument që duan dhe mund të shikojnë tek sipërmarrja si një mundësi punësimi. 

Edi Rama

TAG:
• edi rama
• mbledhja e qeverise ne Fier

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1636

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq