POP 5

Lajmet më të lexuara të 5 minutave të fundit

Ekonomi

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

VKM-ja e Këshillit të Ministrave prek 19 drejtori Kadastre apo degë në rrethe, për kompensimin do shërbejnë të ardhurat që arkëtohen nga aktet e pronësisë dhe legalizimit. Lista e qyteteve dhe degëve

Qeveria vendos kompensimin financiar të pronarëve që preken nga ndërtimet e legalizuara: Mbi 1 mld lekë për rreth 9 hektarë

Foto ilustruese

Qeveria shqiptare ka marrë disa vendime të rëndësishme në mbledhjen e radhës të Këshillit të Ministrave ditën e djeshme (9 janar). 

Mes tyre është edhe ai që ka të bëjë me ‘kompensimin financiar të pronarëve të pasurive të paluajtshme”, që preken nga ndërtimet e legalizuara, me vlerë mbi 1 mld lekë dhe sipërfaqe rreth 9 hektarë, në të paktën 19 drejtori Kadastre në rrethe.

Propozimi është bërë nga vetë kryeministri Edi Rama. Teksa kabineti qeveritar ka vendosur miratimin e pronarëve:

“Vendoset kompensimi financiar i pronarëve të pasurive të paluajtshme, pronë private, për sipërfaqet takuese, të zëna nga ndërtimet e legalizuara, në drejtoritë vendore të Agjencisë Shtetërore të Kadastrës: Tiranë Veri, Tiranë Jug, Tiranë Rurale 1, Tiranë Rurale 2, Lezhë, Kamzë-Vorë, Durrës, Elbasan, Pogradec, Sarandë, Gjirokastër, Kavajë, Shkodër, zonat e stimuluara, Kuçovë, Korçë, Kukës, Krujë, Vlorë dhe Fier”.

Vlera e përgjithshme e kompensimit financiar është 1 011 135 159,99 lekë (një miliard e njëmbëdhjetë milionë e njëqind e tridhjetë e pesë mijë e njëqind e pesëdhjetë e nëntë presje nëntëdhjetë e nëntë) lekë, për sipërfaqen 88 358,4 (tetëdhjetë e tetë mijë e treqind e pesëdhjetë e tetë presje katër m²) rreth 9 hektarë.

Në vendim renditet edhe lista e shpjeguar e sipërfaqeve dhe numrave përkatës që shpronësohen nga qeveria.

Dhe më tej theksohet se ‘kompensimit financiar vihet në dispozicion nga Agjencia e Trajtimit të Pronave, sipas pikave 3 dhe 4, të nenit 24, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë’.

Drejtoritë që përfshin VKM:
-Tiranë Veri
-Tiranë Jug
-Tiranë Rurale 1
-Tiranë Rurale 2
-Lezhë
-Kamzë-Vorë
-Durrës
-Elbasan
-Pogradec
-Sarandë
-Gjirokastër
-Kavajë
-Shkodër
-Zonat e stimuluara
-Kuçovë
-Korçë
-Kukës
-Krujë
-Vlorë
-Fier 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43