Receta

Qofte të shuara me birrë në salcë të bardhë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Janar, 11:23 | Përditesimi: 21 Janar, 11:27

Qofte të shuara me birrë në salcë të bardhë

Përbërësit:

Për qoftet:

LEXO EDHE:
Speca të kuqe të zhytura në kos me miell nga zonja Albana

500 gr mish i grirë
1 qepë mesatare
1 thelpi hudhër
1 kokërr vezë
2 lugë gjelle galetë
1 lugë çaji mustardë
2 lugë gjelle majdanoz
Kripë dhe piper
Vaj ulliri ose luledielli për skuqje

Për salcën e bardhë me birrë:

200 ml birrë e lehtë
200 ml pana kuzhine
1 lugë gjelle miell
1 lugë gjelle gjalpë
2 thelpinj hudhër
Kripë dhe piper i bardhë
Pak arrëmyshk (opsionale)

Përgatitja:

Në një tas përziejmë mishin e grirë, qepën, hudhrën, vezën, galetën, mustardën, majdanozin, kripën dhe piperin. Formojmë qofte të vogla rrethore dhe e lëmë brumin të qëndrojë për 15 minuta. Më pas në një tigan të thellë, ngrohim pak vaj dhe skuqim qoftet derisa të marrin ngjyrë të artë. Përgatisim salcën e bardhë me birrë. Në të njëjtin tigan ku skuqëm qoftet, shtojmë gjalpin dhe hudhrën dhe e kaurdisim për disa sekonda derisa të shpërthejë aroma e hudhrës. Shtojmë miellin dhe e përziejmë shpejt që të formohet një masë kremoze pa kokrriza. Ngadalë shtojmë birrën, duke e përzier vazhdimisht me një tel kuzhine. E lëmë të gatuhet për 2-3 minuta dhe më pas shtojmë panën, kripën, piperin e bardhë dhe pak arrëmyshk nëse dëshirojmë. E përziejmë derisa të trashet salca. Vendosim qoftet në salcën e bardhë me birrë dhe i lëmë të gatuhen në zjarr të ulët për 10-15 minuta dhe më pas i servirim të ngrohta.

MC/Shqiptarja.com

TAG:

zonjaalbana
qofte te shuara me birre ne salce te bardhe
Receta te shpejta
gatime shtepie
shije

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com