Qendra Spitalore Universitare “Nënë Tereza” është binjakëzuar me qendrën spitalore më të madhe izraelite, “Sheba Medical Centër”, në Izrael.
Marrëveshja e bashkëpunimit është nënshkruar ditën e sotme në ambientet e MSHMS me praninë e ministres së Shëndetësisë dhe Mbrojtjes Sociale, Albana Koçiu dhe CEO-s së “Sheba Medical Hospital”, Yitshak Kreiss.
Ministrja Koçiu theksoi se gur themeli i bashkëpunimit mes dy vendeve është mbështetja për reformimin e shërbimit të Spitalit Onkologjik bazuar në përvojat më të mira ndërkombëtare të menaxhimit.
“Falë marrëveshjes së nënshkruar me “Sheba Medical Center, ekspertë të këtij spitali do të atashohen në Spitalin Onkologjik duke asistuar mjekët tanë në trajtimin e rasteve të vështira, në kohë reale përmes telemjekësisë. Pikë tjetër e dakordësuar në këtë marrëveshje është ofrimi i trajnimeve dhe njohja e mjekëve e infermierëve tanë me terapitë dhe pajisjet më inovative. Kjo marrëveshje bashkëpunimi e QSUNT me spitalin prestigjioz “Sheba”, ecën paralel me projektin madhor të Autonomisë Spitalore dhe Praktikave të Dyfishta për mjekët”, nënvizon ministrja.
Sipas saj, fuqizimi i bashkëpunimeve me qendra të tilla të ekselencës është një hallkë kyçe e programit të Autonomisë që ka filluar të zbatohet në 6 qendra spitalore në vend, e që hap pas hapi pritet të zgjerohet më tej në 17 të tilla.
“Për ne, është vërtetë një privilegj i jashtëzakonshëm të punojmë me një qendër spitalore të këtij niveli, e njohur për cilësinë, profesionalizmin dhe inovacionin që sjell në kujdesin ndaj pacientit. Por, ky është edhe një privilegj që në vijim duhet ta meritojmë, duke rritur hap pas hapi cilësinë e shërbimit të ofruar, si dhe përqafuar këtë mundësi të jashtëzakonshme që i ofrohet stafit tonë mjekësor, veçanërisht gjeneratës së re të mjekëve. Ndaj dua t’i ftoj ata që të shfrytëzojnë këtë mundësi për t’u trajnuar dhe bashkëpunuar me këtë qendër që në një vit trajton 2 milion pacientë nga e gjithë bota, e që mbështet me mijëra studime shkencore e kërkime klinike”, tha ajo.
Bashkëpunimi mes QSUNT-së dhe “Sheba Medical Center” krijon mundësi të reja për edukim dhe trajnim edhe për profesionistët e kujdesit shëndetësor.
Lajme të tjera
-
Humb jetën në moshën 45 vjeçare anëtari i Gjykatës së Lartë Darjel Sina, vuante nga tumori! Prej 3 ditësh ndodhej në intubim në QSUT
17 Nëntor, 10:11 -
Interpelanca/ Shehaj vendos në Kuvend denoncimin e qytetarit në Report Tv për humbjen e djalit tek Onkologjiku! Ministrja Koçiu: Fatkeqësinë e një prindi e përdorni për kredo politike
14 Nëntor, 12:37 -
Kush refuzon 3 herë punësimin, humbet ndihmën ekonomike! In vitro falas për 150 çifte, protezë gjiri 600 grave me kancer
12 Nëntor, 17:07
-
Ekonomia/ Koçiu për buxhetin e Shëndetësisë: Hera e parë që kalon 1 mld euro, rimbursim ilaçesh për 400 mijë qytetarë, dëmshpërblim ish të përndjekurve dhe bonus bebesh
12 Nëntor, 13:13 -
Tiranë/Kanosi infermierin në QSUT dhe kundërshtoi policët, arrestohet 36-vjeçari
11 Nëntor, 13:54 -
‘Hetimori’ i Shëndetësisë, dëshmon ministrja Albana Koçiu: Check-up e sterilizimi, vlerë e shtuar në shëndetësi! Akuzat e opozitës? Koncesionet arritën qëllimet
5 Nëntor, 17:47 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20 -
Mbyllja e fushatës ndërgjegjësuese të kancerit të gjirit, Koçiu: Lehtësojmë depistimin për gratë, çdo muaj një tetor rozë në çdo qytet pa sistem referimi
2 Nëntor, 13:46 -
Vihet në funksion Brakiterapia në Onkologjik, nis trajtimi për pacientët
30 Tetor, 09:49 -
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Historia pas aktit ekstrem të nënës së 2 fëmijëve në Durrës
24 Tetor, 13:21
-
Shtohen rastet me zgjebe në vend, mjekët: Çdo ditë kemi pacientë! Dermatologia: Është ngjitëse, familjarët më të rrezikuarit
21 Tetor, 20:36
