Që prej një shekulli receta e Coca-Colës ka qenë mister. Ndonëse përbërësit e saj janë të shënuar në etiketë sasitë e përdorimit të tyre nuk janë të përcaktuara saktë duke e bërë kështu të fshehtë këtë recetë. Por mesa duket këtij misteri shekullor do t’i vijë fundi.

Cliff Kluge, një antikuar amerikan pohon se ka mundur të gjejë në një kuti të vjetër, të blerë kohët e fundit në një ankand, formulën sekrete të pijes së njohur “Coca-Cola”. Ai është shprehur se do t’a shesë këtë formulë në eBay për 15 milionë dollarë.

Dokumentet e gjetura i përkasin vitit 1943 dhe sipas rindëtimit të kryer nga Kluge, janë dërguar nga kompania amerikane një kimiku të njohur gjeorgjian gjatë Luftës së Dytë Botërore. Gjatë kësaj periudhe, kompania kishte vështirësi të mëdha në marrjen e të gjitha përbërësve e nevojshme për të prodhuar pijen e famshme dhe ju caktua kimikut për të realizuar përbërjen kimike.

Redaksia Online
(xh.k/shqiptarja.com)