Qeveria ka reaguar ndaj akuzës së Partisë Demokratike, se kryeministri Edi Rama ka firmosur dhënien e një leje ndërtimi në bregdetin e Golemit duke prishur ambientet të përbashkëta sportive në resortin “Laguna Blu”.

Reagimi i qeverisë është publikuar në faqen transparenca.al, ku thuhet se, leja është dhënë nga Komuna e Golemit dhe është miratuar nga Këshilli Kombëtar i Rregullimit të Territorit, nën drejtimin e ish-kryeministrit Sali Berisha. Qeveria gjithashtu thotë se nuk mund të ndërhyjë për të anuluar këtë leje pasi nuk mund të ndërhyhet në të drejtën e njësive vendore.