"Nata tradicionale e kënasë" 
tradita që vazhdon në Palestinë

Netët tradicionale të Kënasë të cilat vazhdojnë të përjetohen në Palestinë ende dëshmojnë me skenat shumëngjyrëshe të tyre, raporton Anadolu Agency (AA)

Disa familje Palestineze këtë traditë e rujanë ende duke u argëtuar disa ditë përpara dasmës së bashku me shoqërinë dhe të afrëmit e dhëndërrit në mjedise të veçanta.

Në "natën e Kënasë" dhëndërri vjen në mjedisin me muzikë i hipur mbi një deve të zbukuruar dhe nën shoqërinë e shokëve dhe miqve të tij, të cilët argëtohen duke kërcyer valle të ndryshme tradicinale në këtë shesh natën e kënasë.

Nëna e dhëndërrit drejt përfundimit të natës vjen me një tepsi me këna të zbukuruar me petale trëndafili dhe qirinj ku më pas nën shoqërinë e këngëve ajo "djeg kënanë" në dorën e djathtë të djalit të saj. Gjatë kësaj të afërmit e dhëndërrit gjyshja, tezet, hallat dhe gratë e lagjes janë të pranishëm në këtë moment gëzimi. Gjatë kësaj nate edhe shokët e të afërmit e dhëndërrit mund të dejgin këna në duart e tyre në kujtim të kësaj nate.

Pas djegjes së kënasë në dorën e djathë të dhëndërrit të afërmit dhe shoqëria e vajzës kalojnë në pjesën ku argëtohen gratë, ku vjerra thur forma të bukura të kënasë në duart dhe këmbët e nuses. Gjithashtu në shuplakat e nuses mund të pikturohen edhe shkronjat e para të emrit të saj dhe të dhëndërrit. Ndërsa shoqet e nuses për itu bashkuar këtij gëzimi mund të pikturojnë forma të ndryshme si degë të pemës, trëndafila në duart e tyre. Në këtë natë duart e femrave palestineze shdërrohen si një tablo artistike.

Familja Zarab është një ndër familjet Palestineze që ruajnë këtë traditë, të cilët kanë organizuar këtë natë të kënasë para se djali i tyre Muhamed të martohet.

Nëna e dhëndërrit Kerima Zarab është shprehur se kjo është një traditë e lashtë e tyre dhe se ato ende e ruajmë këtë traditë. "Për çiftet që do të krijojnë një strehë të lumtur në dorën e djathë të dhëndërrit digjet këna ndërsa tek femra pikturohen stile dhe forma të bukura me këna në duart e saj" shprehet ajo.

Redaksia Online
(a.a/Shqiptarja.com)