"Shtëpia e Kukullave"
adoptohet në monodramë

"Shtëpia e Kukullave" <br />adoptohet në monodramë
Shtëpia e Kukullave", shfaqja me po këtë emër, e autorit Henrik Ibsen do të jepet si premierë sot në Teatrin e Metropolit në Tiranë. Në rastin e kësaj premiere janë bërë ndryshime dhe ndërhyrje regjisoriale. "Shtëpia e Kukullave" është e adaptuar në monodramë nga regjisori kosovar Sokol Plakolli. Ai thotë se personazhin e Norës do ta luajë aktorja nga Tirana, Klodiana Kadillari, për të cilën shton se e ka pëlqyer shumë në çdo interpretim që ajo ka pasur.

Ai thotë se "ajo ka dëshmuar profesionalizmin e saj në artin e aktrimit me monodramën kushtuar ikonës së humanizmit, Nënë Terezës, por edhe në role të tjera skenike. Sipas tij me rolin e Norës, aktorja Kadillari shpalos vetitë e saj si artiste me përvojë. Ndërsa rivënia e personazhit të Norës në skenë, në çdo formë regjisoriale është e përshtashme sipas Plakollit. Personazhi Nora arrin të mbijetojë çdo sfidë dhe tejkalon të gjitha barrierat, duke i rezistuar kështu kohës. Në sa botë të grave ajo fshihet pareshtur, aq e nevojshme është që të paraqitet në skenë. Misioni i saj është pasioni për skenën dhe dëshira e parealizuar për t'u bërë nënë...

Sipas tij është mirë që regjizorët të kthehen tek dramaturgtë e mëdhenjë për mesazhte që japin. Aty ka mesazhe edhe për botën e artit. "Një artist i mirëfilltë i sfidon shfrytëzuesit e artit, që artit nuk i japin asgjë por që të shenjtën e shfrytëzojnë për qëllime personale. Në pamundësi që të vetërealizohen, shfrytëzuesit e artit shndërrohen në tutor të artistëve të mirëfilltë. Ata nuk zgjedhin mënyrë për të qenë në poste udhëheqëse, por kërkojnë që të ngopin epshet e tyre në kurriz të artit dhe artistëve të mirëfilltë. Nora e Ibsenit nga një balerinë e brishtë transformohet në një "striptease-dancer të çakërdisur''. Pra, Nora paraqet flijimin e një shoqërie të shthurur. Ajo lufton mes jetës dhe vdekjes për të mbijetuar në katrahurën e kësaj shoqërie - që ndodhet midis reales dhe areales.
(sg/shqiptarja.com)

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi