Kushërinjtë denoncojnë se janë kërcënuar, shoqërohen 4 persona, mes tyre vëllai i Safet Gjicit! Kandidati i Berishës: Presion për votën! Policia: S’gjetëm sende të paligjshme

KUKËS- Bedri dhe Nebi Sinamati banorë të fshatit Bushat kanë denoncuar Lavdrim Gjicin, vëllanë e kandidatit të Partisë Socialiste për Bashkinë Kukës Safet Gjici, për presion dhe dhunë deri në nxjerrjen e armës së zjarrit nga shoqëruesi i tij.

“Dolëm nga shtëpia, pashë një Benz A Class, më kishte zënë rrugës i rashë borisë më nxori pistoletën. Po i shihja për herë të parë, ishte vëllai i Safet Gjicit një ndër to. U konfliktuam me to dhe bëmë llafe dhe kaq”.

"Unë jam zënë që dje me të, sot kanë ardhur të na provokojnë. Unë dola ta parkoja makinën, ato ishin në rrugë, në makinë ishte vëllai i Safet Gjicit. Ato më zënë rrugën, hipa në bordurë dhe ato nxorën pistoletën. Bëmë kallëzim ndaj tyre, kaq”, thanë kushërinjtë.

Në fjalën e tyre, ato nuk kanë specifikuar se ky kërcënim ka ardhur për motive elektorale, pra kërcënime për votën, mirëpo një tezë e tillë është artikuluar nga kandidati i Koalicionit “Bashkë Fitojmë”, Admir Sinamati. Nga Drejtoria e Policisë së Kukësit, ku ndodheshin 2 kushërinjtë dhe disa mbështetës të tyre, Sinamati tha se këto presione po u bëhen nga socialistët për t’u dhënë votën. Sipas tij, kjo nuk është hera e parë që ka ndodhur.

“Kjo që ndodhi sot është në vazhdën e problematikës që ne kemi denoncuar për të devijuar në mënyrë kriminale votën. Ka ditë që kemi sinjalizime nga qytetarë të ndryshëm që u shkojnë në banesë gjatë natës dhe shpërndajnë para në këmbim të devijimit të votës, qytetarët mezi presin 14 majit. Një pjesë e tyre i përcollëm në banesa dhe i sigurova që ne siç kemi bërë gjatë kësaj periudhe dhe do e zhdukim me votë, nga ana jonë po bëhet maksimumi pavarësisht provokimeve të pafundme, reagimi qytetar sa vjen dhe po rritet dhe ndëshkimi do jetë i madh” , tha Admir Sinamati.

Pas kësaj ngjarjeje, janë shoqëruar në Polici 4 persona, mes tyre edhe vëllai i Safet Gjicit, Lavdrim Gjicit. Policia tha se iu ka bërë kontroll makinës së të shoqëruarve, por s’u gjetën sende të paligjshme që ka të bëjë më shitblerje votash dhe armë.

"Në lidhje me një rast të publikuar në media, ku pretendohet për kanosje me armë të qytetarëve, për dhënien e votës, në fshatin Bushat, ju sqarojmë se: Më datë 11.05.2023, rreth orës 23:50, shtetasi B. S., banues në fshatin Bushat, ka njoftuar Policinë se kishte një konflikt me disa shtetas, në fshatin Bushat. Shërbimet e Policisë kanë shkuar menjëherë në adresën e dhënë nga shtetasi B. S. dhe nga verifikimet paraprake ka rezultuar se ky shtetas ishte përshirë në një konflikt për motive të dobëta, në rrugë, me 3 shtetas të tjerë.

Në vijim të veprimeve, shërbimet e Policisë kanë shoqëruar në Komisariat, shtetasit e përfshirë në konflikt: B. S., N. S., të dy banues në fshatin Bushat, Q. H. dhe L. Gj., të dy banues në Kukës. Gjithashtu, është shoqëruar në Komisariat, automjeti tip “Mercedes Benz”, me të cilin  qarkullonin shtetasit Q. H. dhe L. Gj. Gjatë kontrollit të ushtruar në këtë automjet nuk është gjetur asnjë send i kundërligjshëm. Gjatë kryerjes së veprimeve procedurale, palët e përfshira në konflikt nuk kanë ngritur pretendime që gjatë konfliktit të jenë kanosur me armë, për asnjë motiv, por kanë deklaruar se konflikti ka ardhur si pasojë e një keqkuptimi. Në përfundim të veprimeve procedurale, të katërt shtetasit e shoqëruar u lanë të lirë. Materialet për këtë rast i kaluan Prokurorisë, për vlerësim", thuhet në reagimin e policisë. 

Nga ana tjetër, në një prononcim për mediat, kryebashkiaku Safet Gjici thotë se personat që kanë qenë me makinën tip "G Class"  nuk kanë blerë vota, por janë në kontroll të territorit. Kjo sepse sipas tij, partia e “Non Gratave” po blen vota.

“Video kishte pamje që njerëzit tonë dalin në terren për të kontrolluar furgonin e bandës që blejnë vota ditë për diell, janë turrë si hiena në çdo njësi administrative vetëm për të blerë vota dhe për të bërë presione, video tregohet qartë që s’ka as armë as para. Ne jemi në kontroll, kontrollojmë territorin nga bandat dhe furgoni i bandave që i ka rreth kandidati i Non Gratave. Të bllokohen të gjitha makinat me targa të huaja dhe me xhama të zeza që lëvizin në territor. Kemi prova dhe video dhe do i çojmë në organet ligjzbatuese”, tha Gjici.

Nga ana tjetër, Gjici tha se babai i kandidatit demokrat, në komunizëm ka dënuar dy të pafajshëm, Raif Elezi dhe Bajram Gjana për agjitacion e propagandë. Sinamati u mbrojt duke thënë se i ati nuk ka pasur rol juridik në dënimet e sistemit komunist. 

Rendit zhvillimet sipas orarit:
Ora 10:54
Gjici: Po kontrollonim territorin! ‘Non Grata’ me makina me xhama të zinj dhe targa të huaja po blejnë vota ditë për diell

 

Kryebashkiaku i Kukësit, Safet Gjici tha se personat që kanë qenë me makinë nuk kanë blerë vota, por janë në kontroll të territorit. Kjo sepse sipas tij, partia e “Non Gratave” po blen vota.

“Video kishte pamje që njerëzit tonë dalin në terren për të kontrolluar furgonin e bandës që blejnë vota ditë për diell, janë turrë si hiena në çdo njësi administrative vetëm për të blerë vota dhe për të bërë presione, video tregohet qartë që s’ka as armë as para. Ne jemi në kontroll, kontrollojmë territorin nga bandat dhe furgoni i bandave që i ka rreth kandidati i Non Gratave. Të bllokohen të gjitha makinat me targa të huaja dhe me xhama të zeza që lëvizin në territor. Kemi prova dhe video dhe do i çojmë në organet ligjzbatuese”, tha Gjici.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet