Qytetari në Tiranë anashkalon ‘hallet personale’ dhuratë për Berishën: Nder i kombit, hero i gjallë, të kam ndjekur pas 30 vite

Nuk kanë munguar as dhuratat ndaj Berishës gjatë takimit me banorët e degës numër 4 në Tiranë. Një prej banorëve, i dorëzoi Berishës një foto të këtij të fundit të futur në një kornizë me mbishkrimin “Hero i gjallë, nderi i kombit”.

Qytetari nuk preferoi të zgjatej në problemet që kishte familja e tij, por u mjaftua me dhuratën e bërë ndaj Berishës dhe takimin me ish kryeministrin, gjë të cilën e quajti si “fatin më të madh të jetës”.

“Prej 22 vitesh, jetoj në Tiranë, anëtar i PD-së prej 30 vitesh. Nuk dua të flas për hallet tona personale t’ju bezidis por për problemet e Shqipërisë. Unë mendoj se deri në 14 maj po nuk u bënë ndryshime, ne do ngelim 700 mijë këtu.

Nuk dua të vazhdoj më tutje të flas për hallet dhe problemet se siç themi ne dibranët ‘duhet një natë dimri’. Unë e kisha qef dhe këtë dhuratën unë e porosita ta bëj 2 me 2 sa një derë e blinduar, por ai e bëri të vogël më tha si e madhe si e vogël ishte simbolike. Kam edhe fatin t’i jap edhe dorën doktorit sepse është fati më i madh i jetës time pas 30 vitesh që e ndjek nga pas”- u shpreh qytetari.

Lajmi kryesor:

Berisha: E pavërtetë që kemi inflacionin më të ulët në rajon, produktet 10% më shtrenjtë se në BE! 12 nëntori do jetë ditë historike për demokracinë

B.V/Shqiptarja.com

TAG:
• sali berisha
• Tirane