Bulqizë - Një shofer i dehur dhe pasagjeri u arrestuan nga Policia në Bulqizë pasi kundërshtuan me dhunë efektivët gjatë momentit të shoqërimit në komisariat.  32-vjeçari me inicialet V.K me banim në Bulqizë, ishte i dënuar më parë për armëmbajtje pa leje. Ndërkohë shoferi G.V 45 vjeç kundërshtoi me dhunë punonjësit e policisë.

Punonjësit e policisë i kanë bërë shenjë ndalimi automjetit tip 'Benz', që drejtohej nga G. V., i cili pas testit të alkoolit ka rezultuar se drejtonte mjetin në gjendje të dehur. Në bashkëpunim me njëri-tjetrin kanë kundërshtuar urdhrin për shoqërimin në Komisariat, duke kundërshtuar me dhunë punonjësit e Policisë, por janë shoqëruar forcërisht nga shërbimet e Policisë.

Ata do të hetohen nga Prokuroria e Dibrës "Kundërshtim i punonjësit të policisë të rendit publik" dhe "Drejtim i automjetit në gjendje të dehur".

Mesa duket ka edhe nga ata qytetarë që e kanë keqkuptuar përdorimin e rakisë si masë parandaluese ndaj COVID-19.