Rama: Do jap mishin dhe shpirtin që Shqipëria të kapë majën

I pranishëm në një takim me të rinjtë në Gramsh, nga ku kërkoi një mandat të tertë, kryeministri Edi Rama tha se nuk e do atë për veten e tij, por në mënyrë që vendi të vazhdojë të eci përpara. Rama u shpreh se ai e di rrugën se si arrihet 'maja" dhe se është gati të japi "mishin dhe shpirtin" në mënyrë që Shqipëria të shkojë atje.

"Nuk e dua pushtetin për veten tënde. Nga pikëpamja personale unë kam arritur t'i shoh të gjitha këto maja, qëndroj këtu sepse nga emigracioni më ka sjellë maja që kam parë për Shqipërinë dhe gjithë shqiptarët. Sa kohë që shumica e shqiptarëve duan të ngjiten në atë majë, unë e di si ngjitet dhe jam këtu për të dhënë mishin dhe shpirtin për të kapur atë majë. Ka një dallim të madh mes nesh dhe atyre, ne jemi forca e karakterit të të gjithë atyre që nuk e kanë mëngjesin një rrugë nga shtëpia në kafe, por të atyre që mendojnë se çfarë do nxjerrin me punë për familjen e tyre. nuk ka receta çudibërëse, shtysa që mua më nxjerr çdo ditë nga shtëpia, është që të bëj gjithçka mundem që Shqipëria të jetë më mirë nesër. Të rinjtë që mendojnë se të gjithë politikanët janë njësoj dhe i kthen shpinën kutisë së votimit, nuk do merret politika me të pas shpinës. Nuk merresh ti me politikën, merret politika me ty. Po mos ishte politika, nuk siguroheshin vaksinat, fondet e rindërtimit. Politika ka bërë shumë gjëra të këqija në historinë e njerëzimit, po pa politikën, kurrë njerëzimi nuk kishte arritur këtu ku ka arritur", tha Rama.

LEXO EDHE:
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit

Lajmi kryesor:

Rama: Nuk i përdorim telefonat për t'ju pyetur se kë do votoni, por që të keni në dorë shtetin! Meta e Berisha gati të djegin vendin, për pushtetin e tyre

/K.T./Shqiptarja.com

TAG:
• edi rama
• Elbasan
• PS
• taulant balla
• gramsh
• Evis Kushi
• fushata elektorale
• zgjedhjet parlamentare 2021