Rama emigrantëve në Itali: Foluni miqve në Shqipëri që të mbledhin mendjen sa më shpejt

TIRANE-Kryeministri Edi Rama u kërkon emigrantëve që jetojnë në Itali që të komunikojnë sa më shumë në telefon me familjarët, të afërmit dhe miqtë në Shqipëri për t'u dhënë kurajo duke u thënë të vërtetën.

"Faleminderit nga thellësia e zemrës të gjithëve ju që jeni në Itali dhe shkruani në faqen time fjalë të ndjera, të mençura, të vërteta nga zona e dhimbjeve më të mëdha të luftës. Ju lutem shkruani sa të mundeni, kurdo e kudo mundeni përmes fejsbukut tuaj dhe foluni sa më shumë nëpër telefona të afërmve e miqve tuaj këtu në Shqipëri, jepuni kurajo e forcë duke u thënë të vërtetën!

Ndihmoni që ata që s’e kanë kuptuar apo s’duan ta kuptojnë akoma, që jemi në një luftë të vërtetë dhe ankohen sikur jemi në një lojë kukamçefthi, të vijnë sa më shpejt në vete e të mbledhin mendjen! Viva l’Italia rroftë Shqipëria" thotë Rama.

TAG:
• edi rama
• koronavirusi ne shqiperi