POP 5

Lajmet më të lexuara të 5 minutave të fundit

Politikë

Rama hap arkivën, takimi në 2006 me shqiptarët në Athinë! Rikthimi pas 18 vitesh të dielën: Ja dy gjërat që kanë ndryshuar

Kryeministri Rama ka ndarë një postim në facebook ku kujton kohën kur ka vizituar për herë të parë shqiptarët në Athinë në vitin 2006 si lider opozite.

Rama hap arkivën, takimi në 2006 me shqiptarët në Athinë! Rikthimi pas 18 vitesh të dielën: Ja dy gjërat që kanë ndryshuar

Rama në Athinë në vitin 2006

Kanë mbetur vetëm tre ditë nga takimi që kryeministri Edi Rama do të mbajë me emigrantët shqiptarë në Athinë. Mediat greke shkruajnë se takimi do të mbahet në pallatin e sportit në Galatsi në veri të Athinës me rreth 6000 vende dhe se tashmë është gjetur dakordësia. Report Tv është interesuar pranë Partisë Socialiste por ende nuk ka një konfirmim per vendin ku do të mbahet në Athinë takimi me shqiptarët më 12 maj. 

E megjithatë ajo që është e pakthyeshme është se takimi do të bëhet, edhe pse në Greqi vizita e tij ka ngjallur shumë polemika dhe pakënaqësi tek qeveria greke vizita nuk mund të ndalet.

Ndërkohë kryeministri Edi Rama ka ndarë një postim në facebook ku kujton kohën kur ka vizituar për herë të parë shqiptarët në Athinë. Ishte viti 2006 dhe Rama në atë kohë ishte lideri i opozitës shqiptare dhe prej 1 viti ishte kreu i Partisë Socialiste.

Rama shkruan ndër të tjera që nga ai vit e deri më sot dy gjëra kanë ndryshuar

'Shumë gjëra kanë ndryshuar në 18 vjet, por dy më të sigurtat që lidhen edhe me këto foto janë që mua s’më ka mbetur asnjë fije floku e zezë dhe që pasi kaluan detin në këmbë si udhëtarët e paepur të rrëfimeve të vjetra SHQIPTARËT E GREQISË JANË SOT NJË HISTORI KRENARIE, QYTETARIE DHE SUKSESI

*Takimi i parë me shqiptarët në Athinë, si kryetar i opozitës në vitin 2006', shkruan Rama në Facebook.

Tashmë, Rama shkon atje si kryeministër, ndërsa ka patur edhe polemika në shtypin grek por jo vetëm, pasi edhe politikanë, sidomos nga e majta opozitare kanë qenë disi të ashpër ndaj kësaj vizite.

Takimi i parashikuar të mbahet në datë 12 maj, në mediat greke u lexua si provokim nga pala shqiptare, pasi përkon me 1 vjetorin e arrestimit të Fredi Belerit, për të cilin Shqipëria dhe Greqia u futën në një përplasje politike dhe diplomatike.

Takimi në Athinë me emigrantët shqiptarë që jetojmë atje, vjen në kuadër të një turi që kryeministri Rama do të zhvillojë me diasporën, fillimisht në Greqi, më pas në Londër, Milano, dhe Duseldorf të Gjermanisë.

 

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kosi: 09/05/2024 23:43

    Atje ne Athine kembente Rama vota per listim deputetesh, si rasti i karikatines Felaj! Arritje e papare....

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?

Lajme të tjera



×

Lajmi i fundit

I dënuar për trafik droge në Itali, 42-vjeçarit i sekuestrohet pasuri me vlerë 300 mijë euro! Garazh, makinë e biznes në Selitë

I dënuar për trafik droge në Itali, 42-vjeçarit i sekuestrohet pasuri me vlerë 300 mijë euro! Garazh, makinë e biznes në Selitë

20 Maj, 11:42