POP 5

Lajmet më të lexuara të 5 minutave të fundit

Kronikë

Rama intervistë për Associated Pres: Jemi duke u përpjekur të sjellim çdo shqiptar në shtëpi

Riatdhesimi i fëmijëve shqiptarë nga Siria ka tërhequr vëmendjen e medias ndërkombëtare. Pas negociatave humanitare me të gjitha palët e përfshira, katër fëmijë dhe një grua në gjendje jo të mirë shëndetësore, u evakuuan nga kampi Al-Howl dhe do të kthehen sot në Shqipëri.

Kryeministri i Shqipërisë  në një intervistë telefonike për Associated Press  tha se kthimi i të pestëve ishte arritur pas  negociatave 12-mujore dhe se qeveria e tij shpresonte gjithashtu të siguronte riatdhesimin e shtetasve të tjerë shqiptarë të mbërthyer në Siri .

Të pesë personat u dërguan të hënën në Bejrut, ku Rama darkoi me ta dhe pritet që sot të arrijnë në Tiranë.

"Ka qenë një punë tejet e ndërlikuar një vjeçare ," tha Rama, I cili nuk pranoi të japë detaje mbi negociatat në mënyrë që të mos rrezikonte përpjekjet për të siguruar kthimin e familjeve të luftëtarëve të tjerë shqiptarë.

Rama në fjalën e tij theksoi se gruaja e lënduar rëndë, do të duhet ti nënshtrohet një operacioni të rëndë. Disa qindra burra shqiptarë u bashkuan me Shtetin Islamik dhe grupe të tjera që luftonin në Siri dhe Irak në fillim të viteve 2010, edhe pse nuk ka dhënë të sakta për numrin e tyre, mendohet se janë të paktën 52 fëmijë në kampe.

"Së pari jemi të përkushtuar për fëmijët dhe gratë që nuk përfshihen në akte terroriste. Ne jemi duke u përpjekur të sjellim çdo shqiptar përsëri në shtëpi,".

Rama tha se organizatat humanitare dhe fetare, zyrtarët ushtarakë dhe konsulli i nderit i Shqipërisë në Bejrut, Mark Ghorayeb, kanë luajtur një rol të rëndësishëm në riatdhesimin e tyre.  Luajtën një pjesë të madhe në përpjekjen e riatdhesimit

 Lirimit dhe kthimit të fëmijëve I ka kushtuar media ndërkombëtare, AFP, Star Tribune, Al Arabyia, The Independent dhe The Washington Post të cilët theksuan edhe njëherë vullnetin e qeverisë për të rikthyer të gjithë fëmijët që gjenden ende në kampe, në pritje të shpëtimit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46