Rama intervistë për median franceze: Për 10 vite do jemi në BE! Këtë verë 4 mln turistë, kaluam pritshmëritë

Rama intervistë për median franceze: Për 10 vite do jemi në BE! Këtë verë 4 mln turistë, kaluam pritshmëritë

Kryeministri Edi Rama

Kryeministri i Shqipërisë, Edi Rama, na priti në rezidencën e tij të pushimeve në Dhërmi, për të folur mbi hapjen e negociatave për anëtarësimin e Shqipërisë në Bashkimin Europian, që u njoftua më 18 Korrik 2022. Sipas Kreut të Shtetit, bëhet fjalë për një hap thelbësor për këtë vend të Ballkanit, që për shumë kohë ka qenë nën zgjedhën e diktaturës komuniste.

Intervista e Edi Ramës për median franceze, FranceSoir
Shqipërisë sapo i është dhënë një fillim i ri. Kur vendosët të anëtarësoheni në BE dhe pse e keni bërë këtë zgjedhje?
Procedura e anëtarësimit në Bashkimin Europian ka disa faza. Ne morëm statusin e vendit kandidat për t'u anëtarësuar në BE në vitin 2014. Nga ky moment, kanë kaluar tetë vite. Prandaj, çelja e negociatave këtë verë është një lajm shumë i mirë për ne. Kjo na ndihmon të përparojmë. Kur negociohet anëtarësimi në Bashkimin Evropian, krijohet edhe mundësia që të kryhet një proces shumë i thellë mbi vetë veten tonë, sepse është një proces shumë i detajuar mbi ligjet, institucionet, funksionimin e tyre si dhe përmirësimet që i duhen bërë këtyre komponentëve. Kjo është një mundësi e shkëlqyer për të ndërtuar një shtet ligjor, një shtet demokratik që funksionon edhe më mirë dhe i garanton qytetarëve standarde që nuk varen nga njëri apo tjetri, por nga shteti, dhe kjo është shumë e rëndësishme.

Kur ishit fëmijë, ndërkohë që jetonit nën regjimin komunist, e mendonit që Shqipëria do të hynte një ditë në BE?
Kurrë. Gjatë periudhës së komunizmit, as nuk e mendonim që ky drejtim do të ndryshonte ndonjëherë. Sigurisht që në fund të kësaj periudhe, me rënien e murit dhe rëniet e njëpasnjëshme të regjimeve të ndryshme në vendet e Lindjes, filluam edhe të imagjinonim se gjërat mund të ndryshonin.

Nuk e kemi patur kurrë mundësinë për të zgjedhur. Duke qenë një vend i vogël në një pozicion gjeografik shumë strategjik (duke qenë se Shqipëria është pikë kalimi  për shumë vende) kemi patur perandori e regjime të ndryshme për 500 vite, që nuk i kemi zgjedhur vetë, dhe jemi detyruar t’i pranojmë.

Kjo është hera e parë që ne po bëjmë një zgjedhje të lirë. Ne duam t’i përkasim familjes Europiane. Breza të tërë nuk e kanë njohur e patur kurrë këtë mundësi.

Kombi ynë, shoqëria jonë, ka më në fund mundësinë të zgjedhë se ku do të jetojë e me çfarë normash. Është një ndjesi që vështirë të mendohet ndryshe.

A ka patur presione e tensione në momentin që bëtë këtë zgjedhje?
Jo, në fakt, ka qenë shumë e lehtë. Ka qenë një zgjedhje kolektive, e përbashkët, ndërkohë që për çështje të tjera, komponentë të ndryshëm të shoqërisë tonë e kanë të vështirë të bien dakord. Për këtë çështje, zgjedhja ka qenë unanime.

Më konkretisht, çfarë do të ndryshojë në përditshmërinë e Shqiptarëve? A do të ndryshoni monedhën?

Këto janë çështje në diskutim, por ajo çfarë ndryshon që tani, është mënyra e të punuarit, të të imagjinuarit e ndërtuarit të ardhmen. Bëhet fjalë për ndërtimin e një shteti që nuk e kemi patur kurrë më parë. Deri më tani, nuk e kemi njohur shtetin e ligjit, shtetin e bërë enkas për qytetarin, ku gjykatësi është gjykatës, dhe pushteti është i ndarë si duhet. Ky është një ndryshim.

Për më tepër, Shqipëria ka qenë vendi më i izoluar nga vendet komuniste. Ne nuk kishim marrëdhënie e shkëmbime madje as me vendet e Lindjes që i përkisnin dikur bllokut komunist.

Ne, ishim Korea e Veriut e Europës. Ky është një ndryshim thelbësor shumë i thellë.

A do e ndjekin Shqiptarët këtë ndryshim?

Shqiptarët janë fantastikë kur bëhet fjalë për përshtatje. Në të gjitha vendet ku Shqiptarët kanë emigruar, ata kanë shkëlqyer, cilado qoftë puna që kanë bërë. Jashtë shtetit, ata luftojnë e gjithmonë ia dalin. Këtu, mund të jetë më e vështirë, sepse bëhet fjalë për krijimin e një komuniteti pune e vlerash, sepse është edhe çështje traditash, kulture dhe historie. Por do ia dalim!

Shqipëria ka ndryshuar vërtetë shumë. Kryeqyteti, Tirana, ka ndryshuar shumë. Është bërë një qytet modern e dinamik, shumë ndryshe nga Tirana e viteve të ‘plumbit’.

Shqipëria është një vend krejt ndryshe nga si mendohet në Europë. Ky vit është surprizues, sepse kemi një numër të paparashikuar turistësh. Për shembull, Tirana ka rezultuar si vendi më i vizituar pas Antaljas, që nga fundi i pandemisë. Këtë nuk e prisnim. Parashikimi ynë ishte 2.9 milion hyrje në Shqipëri, e në fakt deri në fund të vitit do kemi tejkaluar 4 milion. Megjithatë, edhe pse turizmi është një burim të ardhurash i rëndësishëm për t’u shfrytëzuar, sepse vendi ynë ka një potencial shumë të madh, ne duam t’a shfrytëzojmë në mënyrë të mirëmenduar e të arsyeshme për t’a zhvilluar vendin pa shkatërruar ato që zotërojmë.

Lidhur me këtë, keni shembullin e Korsikës ku janë vënë rregulla strikte sa i përket ndërtimeve.

Korsika është një shembull i shkëlqyer, por është e vështirë të bëhet e njëjta gjë në Shqipëri. Do na duheshin Korsikët! (qesh)

Më seriozisht, ndryshimi kryesor është që Korsika është një ishull me një histori dhe të kaluar shumë të veçantë. Psikologjia e banorëve të ishujve është e veçantë, duke qenë koshient për identitetin e tyre dhe me instikte shumë të zhvilluara për mbrojtjen. Ne duhet të veprojmë ndryshe.

Ju keni që tani një numër projektesh investimi në infrastruktura turistike si dhe për të ndjekur ‘boom-in”. Jeni gjithashtu në diskutime me grupin francez Accor?

Po, Accor ka disa kontrata këtu me shumë investitorë. Ata kanë ardhur në Shqipëri para 4 vitesh, kjo falë Nikolas Sarkozi, që është pjesë e bordit të projekteve që janë zbatuar. Ai erdhi bashkë me Carla Bruni, bashkëshorten e tij, për një vizitë dy-ditore. Carla dha një koncert këtu, e gjithashtu udhëtuam së bashku me helikopter, ku edhe mundën të shihnin vendin.

Gjëja e parë që më tha kur helikopteri u ul në tokë, është që ne po qëndronim mbi një minierë ari. Kur u kthye në Francë, ai nxiti vizitën e parë të grupit Accor në Shqipëri. Në fakt, ata e pohuan që nuk e kishin menduar ndonjëherë operimin e tyre këtu, por gjatë vizitës u mahnitën, e sot kanë disa kontrata këtu.

Melia Grup ka lidhur gjithashtu një numër kontratash për hotelerinë e nivelit të lartë, që mungon në Shqipëri. Është e rëndësishme që të zhvillohet kjo ofertë, që supozohet të modifikojë edhe tipologjinë e turistëve në 5 vitet e ardhshme. Në fakt, kemi që tani një rritje të rëndësishme për ofertat e turizmit klasik, e nuk duam të krijojmë efektin e turizmit në masë, por t’a diversifikojmë këtë sektor.

Sipas jush, a do të jetë Shqipëria së shpejti ‘the place to be’?

Po, mendoj që mungojnë ende disa gjëra, por jemi në rrugën e duhur. Vendi është i vogël, i bukur e mikëpritës. Ushqimi është i mirë dhe mund të hash mirë kudo, si në restorantet e mëdha, po ashtu edhe në rrugë. Shumë shqiptarë janë kthyer në vend pasi kanë punuar në Itali në industrinë e ushqimit, dhe kjo ka patur një efekt shumë pozitiv.

Ju keni një Ministër Turizmi. A është ai mjaftueshëm aktiv e nxitës sipas jush?

Bëhet fjalë për një Ministre që është frankofone dhe shumë aktive.

Ende nuk kemi zyra turizmit jashtë shtetit, në Francë për shembull, sepse për këtë duhen fillimisht burime, e së dyti sepse gjithmonë mendoj që vetë-promovimi nuk ka të njëjtën besueshmëri si të treguarit e eksperiencës nga vetë turistët, që është promovimi më i mirë që mund t’i bëhet vendit.

Ne kemi patur një reputacion jo të mirë dikur. Në vitet ’90, kur vendi doli nga bunkeri i tij, nuk krijoi një imazh të mirë, dhe kjo na ndoqi për shumë kohë. Tani, kjo po ndryshon. Para 5 vitesh, në Francë ose nuk njiheshim fare, ose njiheshim për keq, e që nga ajo kohë, janë shkruar shumë artikuj pozitivë mbi Shqipërinë, e akoma më shumë turistë Francezë që vijnë këtu.

Ju keni një diasporë shumë të madhe. Cilat janë vendet që kanë më shumë Shqiptarë?

Italia, Greqia, Gjermania, Zvicra, pak në Francë, në Mbretërinë e Bashkuar, në Shtetet e Bashkuara...

Ju jeni artist dhe gjithashtu keni jetuar në Francë. Cila është lidhja juaj me Francën?

Për shumë kohë, Franca ka qenë vendi im i dytë i zemrës. Kam jetuar aty për shkak të fushës sime të veprimtarisë: artit. Kam lexuar shumë në frëngjisht për historinë e artit që lidhet me këtë vend, muzetë e tij e artistët e tij.

Sot kam shumë miq në Francë e gjithashtu një marrëdhënie të mirë me Presidentin. Ne kemi një miqësi që besoj se do të zgjasë edhe përtej pozicioneve tona aktuale, gjë që është e rrallë.

Ne flasim për shumë gjëra e shpesh them me vete sa keq që francezët nuk e njohin. Ai është një njeri intelektualisht kurioz dhe i respektueshëm ndaj të tjerëve.

Ai është President i Francës e unë jam Kryeministër i Shqipërisë. Vendet tona nuk kanë patur marrëdhënie të rëndësishme deri më tani, por ai ka interes për Ballkanin dhe zhvillimin e marrëdhënieve të Francës me rajonin. Është gjithashtu për të ardhur keq që francezët nuk e kuptojnë humanitetin e tij. Ai u rizgjodh President me shumë vështirësi që nuk i meritonte. Nga ana njerëzore, ai është një njeri i jashtëzakonshëm. Gruaja e tij është gjithashtu një person i veçantë. Ata janë një çift i respektueshëm e i përulur, shumë larg imazhit që duket se ka publiku francez për ta.

Si e shihni Shqipërinë pas 10 vitesh?

Pas 10 vitesh, ndoshta do të jetë në BE, nëse BE mbetet siç është tani. Në fakt, bota sot ndryshon shumë shpejt, mjafton të shihni situatën aktuale.

Pa tragjedi, pas 10 vitesh, Shqipëria do të jetë në BE dhe ne do të bëjmë gjithçka për t’a arritur këtë.

Si e keni menaxhuar krizën e Covid-19?

Kemi patur një karantinë shumë të rreptë, që e kemi vënë në zbatim shumë shpejtë. Më pas, mbajtëm vetëm disa prej ndalimeve e shumë shpejtë u rihapëm për turizmin. Nuk i kemi mbyllur kurrë kufinjtë tanë.

Pse?

Ne po i ndiqnim me shumë kujdes rastet dhe situatën në spitale për të vepruar sa më mirë sipas situatës. Duhej të gjenim një ekuilibër me pjesën tjetër të jetës e veçanërisht me ekonominë. Për më tepër, ju e dini, shqiptarët nuk janë të predispozuar të ndjekin shumë rregulla për  një kohë të gjatë. Kjo mënyrë funksionoi dhe ja dolëm!

I keni ndjekur rekomandimet e OBSH?

Po, i kemi ndjekur, por ndërkohë kemi qenë edhe fleksibël, duke i bërë gjërat në një mënyrë që të pranoheshin dhe respektoheshin. Nëse nuk do të kishim vepruar kështu, nuk do të kishte patur efekt.

Mendoni që në Francë rregullat ishin shumë të rrepta? Ne kemi patur mbyllje të forta.

Ne kemi patur vetëm një mbyllje në fillim të pandemisë, dhe nuk kemi patur shtetrrethim.

Cfarë mendoni për vaksinimin?

Ka qenë shumë efektiv dhe tashmë na duhet të jetojmë me Covid.

Si ja bëni ju në krye të një shteti si Shqipëria? Jeni të detyruar të ndiqni OBSH? A vendosni vetë për rregullat apo konsultoheni me këtë organizatë?

Nuk jemi të detyruar t’i ndjekim. Ne kemi parë edhe veprimet e vendeve të tjera, Gjermania, Greqia, Italia, Hollanda, Danimarka, Hungaria. Kemi qenë edhe në kontakt me vendet e rajonit. Kemi analizuar ndryshimet midis zgjedhjeve dhe rezultateve të ndrushme për te zgjedhur rrugën më të përshtatshme dhe ekuilibruar sipas nevojave e kufizimeve tona.

Duke parë mbrapa në kohë, çfarë do të kishit bërë ndryshe?

Do të kishim bërë të njëjtën gjë. Nuk i mbaj mend shifrat ekzakte, por rezultati është mirë.

A ka sjellë më shumë raste rihapja e turizmit?

Jo, nuk kemi patur një rritje eksponenciale të rasteve.

Pyetja ime e fundit lidhet me islamin. Një pjesë e madhe e popullsisë në Shqipëri përbëhet nga myslimanë, praktika fetare e të cilëve shpesh konsiderohet një model europian, për shkak të pikëpamjes shumë liberale për fenë. Si e shpjegoni këtë?

Shqipëria nuk është një vend mysliman, është një vend 100% europian. Mënyra se si ne jetojmë ndikon në pasurinë shpirtërore dhe morale, por edhe në atë shoqërore. Ne nuk ndjejmë se jemi një vend mysliman. Shohim herë pas here gra të mbuluara, por rrallë. Feja nuk është aspak shkak për mosmarrëveshje.

Unë jam katolik, gruaja ime është myslimane dhe fëmijët nga martesat tona të mëparshme janë ortodoksë. Ne kemi një fëmijë bashkë, i cili do të vendosë vetë për veten e tij. Kështu e jetojmë ne fenë! Për më tepër, nëse kemi patur ndonjëherë shenja radikalizimi, ato ishin sporadike e nuk zgjatën.

Çfarë mesazhi do t'u jepnit francezëve?

Nëse doni të zbuloni një vend ku një pjesë e të shkuarës është ende e pranishme, ky vend është Shqipëria. Është një udhëtim i vërtetë në të kaluarën, në natyrë, në mikpritje, në gastronomi. Fjalët e para të kushtetutës së parë të vendit tonë janë “Shtëpia e Shqiptarit është e zotit dhe e mikut". Kjo i thotë të gjitha.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 16/08/2022 06:55

    Bravo bravo. Copy paste ekomentuesit. Jeni lodh vallahi. Edhe shoku Rama e di mundin tuaj. Se ka dhe dashuri per frengun aty ku pat rekrutimin e pare si spiun.

    Përgjigju
  • Ordineras: 16/08/2022 05:35

    Hamër ju me kto komentat,te gjith kunder kryeministrit tone te dashur dhe te gjate, është e drejta e tij qe tja fusi kot me kot, keshtuqe qetesohuni sepse politikantet mashtrimet i perdorin per te miren tone,ha ha ha

    Përgjigju
  • BENI: 16/08/2022 01:42

    RAMA NE DUAM 54 MILION TURISTE NE VIT,,,,,I KEMI TE GJITHA POTENCIALET,,,,POR QE TE ARRIHET KJO SHIFER DUHEN SHEMBUR TE GJITHA PALLATET QE KANE NDERTUAR KAFSHET NE DURRES NGA TEUTA --GOLEM E DERI NE QERRET DHE TE ZEVENDESOHEN ME RESORTE E HOTELE ME 4-5 YJE ME 50 M DISTANCE NGA NJERI --TJETRI....///MUND TE BASHKEPUNOHET ME INVESTITORE SI ALABARI.....

    Përgjigju
  • Sunny tirana: 15/08/2022 21:32

    Interviste reale ne interes te vendit. Vendi ka mdryshuar shume. Dembelet qahen, bejne komente, shajne dhe presin ti ushqeje qeveria.

    Përgjigju
    • Demeli: 16/08/2022 05:40

      Thuaj ndonje rrace puntore ne bote te vij te punoje per 10 000 lek te vjetra dhe te ndyra ne dite,mallku qofte kush i thot shiptarit te pa fat demel

    • Riku: 16/08/2022 00:05

      Jam i sigurt që ti je i ushqyeri kryesor i qeverise

  • Maks: 15/08/2022 19:54

    Po or edvin rama dje jetonim si korea veriut kurse tani eshte bere si han me 100 porta

    Përgjigju
  • A. N.: 15/08/2022 18:41

    Kam frike se pushuesit e huaj tek numerimi po fusin emigrantet kosovare apo shqiptare qe vijne nga jashte sepse une ne plazh jam dhe nuk po shoh gjithe ato gjermane apo norvegjeze ketu.

    Përgjigju
  • Tirona: 15/08/2022 18:21

    Po mër [email protected] po. Shko kruj bishtin Macron e Francezve ti . Ato ku të na SHFARROSIN nga faqa dheut ti lëpihesh. Duhet me lexu ene historin e shqipnis jo vetëm të Francës o Rame. Ësht veni 1 në botë kundrra SHQIPNIS o laskar.

    Përgjigju
  • Oli: 15/08/2022 16:40

    Fiks keshtu the edhe para 10 vjetesh kur more pushtetin, per 10 vjet jemi ne BE. Tani pas 10 vjetesh na thua qe duhen edhe 10 vite te thera, mashtrues ordiner.

    Përgjigju
  • Arbërori: 15/08/2022 15:40

    Ka filluar me ëndrrat tani Edvin shkjau, pas 10 vite do mundet të je shtetas rus se sa për BE harroje o mashtrues!

    Përgjigju
    • Riku: 15/08/2022 18:13

      Lala energjine po ja jep populli shqiptar I 45-90 se edi rama bashke me ty nuk ka nje kontribut apo veper publike te bere... te fala pensionit jo grek po ramesk qe merr

    • Lala: 15/08/2022 16:20

      Keni drita? Apo do ja kerkoni perseri si vjet vllait te vucicit shkjaut edvin Rama?pall me zile

  • Riku: 15/08/2022 15:32

    Do zoti eshte e vertete... une personalisht pushova 1 jave ne shengjin te rana e hedhur dhe mund te them me plot gojen qe plazhi ishte I frekuentuar ne masen 20-30% e skrahasohet me nje vit me pare... shume me pak frekuentues...ndoshta ka pasur gjerman me shume po jam i sigurt që ne masen 70% turizmi kosovar eshte kontributori kryesor I cili te pakten ne bregdetin e shengjinit ishte shume me I paket... megjithate uroj te jem gabim ne perceptim e te jesh ti ok

    Përgjigju
    • Hako: 15/08/2022 18:14

      Shume mire, pa me thuaj rrugen qe bere per te shkuar dhe kthyer ( ne territorin Shqiptar),sa kohe te zgjati?, sepse gjate muajve te veres cdo kilometer do 3 fish me shume kohe se zakonisht.( dhe duhet te jetojme ne ketu, nuk jemi turiste)

  • Daku cakmaku: 15/08/2022 14:31

    Mos shiko endra o rams se sot shqiptaret tre gjera po bejne...po e emigrojne ne mas po ngelen pa buke dhe per pak do ngelen pa drita,ti vella nuk jeton realitetin

    Përgjigju
  • Kroacia: 15/08/2022 14:29

    Keshtu u tha edhe me perpara jemi me kroacine drejt për në BE ! Kroacia hyri shqiperia akoma sot numeron vitet! Me pak fjale Shqiptarët nuk hyjne në BE kur Ju duhet por kur tmos Ju duhet BE

    Përgjigju
  • Lala: 15/08/2022 14:25

    Me apo pa refugjatet QE kthehen per pushime e ke ket NR e turistave?

    Përgjigju
  • Bim: 15/08/2022 14:02

    Shqiptaret ne te vërtet kan kallxuar ne te kaluarën qe dijn ti rrespektojn rregullat , per 45 vjet as me fol nuk na kane lënë e per gjitho ato vite nuk kena fole per gjithcka çfarë kemi dashtë. Sot gjerat nuk funksionojn sepse nuk ka shtet dhe normalisht injoranca e atyrr 45 viteve reflektohet edhe sot. Dilema e turizmit eshte se ku po shkojm. Njerezit qe vinin ne Shqipëri nga Italia para 5 viteve ishin entuziast sepse hargjonin nje te tretën e asaj qe hargjonin ne Itali, jane aventurier qe pelqejn vendet qe nuk shkelin shume turista. Ato te simjetshit kane te gjithe rezerva, ndonje bile ka preferuar me ik ne Mal te Zi jo sepse kushtet jane perkeqsuar por sepse ka ndrysguar tipi i turistit, tani jane njerëz qe kan lexuar mirë per Shqipërine dhe pretendojn kushte si ne Greqi e Kroaci e per kete mbesin të zhgënjyer, pastaj hargjojn edhe pothujse njesoj si ne keto vende. Kemi shume pune perpara per fat te keq e ne nuk jemi korsikane si tha Rama

    Përgjigju
  • Sondazhi i ditës:

    Si e vlerësoni vendimin e Partisë Socialiste evropiane për të përjashtuar Ilir Metën nga Kongresi pas aleancës me Berishën?



×

Lajmi i fundit

Komuniteti Politik Europian, Rama nga Praga: Të bashkuarit, rruga e vetme për të kaluar këtë periudhë krize! Europa në prag të një lufte të mundshme të Tretë Botërore

Komuniteti Politik Europian, Rama nga Praga: Të bashkuarit, rruga e vetme për të kaluar këtë periudhë krize! Europa në prag të një lufte të mundshme të Tretë Botërore