Rama: Kam bërë gjëra që duket sikur ndodhin një herë në jetë, pastaj më kanë ndjekur pas! Dikur vishja vetëm unë atlete me kostum, tani ka shumë

 

Për herë të parë një kryeministër realizon një podcast ku tashmë nuk është më në karrigen e të intervistuarit siç ndodh gjithmonë me kryeminsitrat e vendit. Në podcastin e Edi Ramës “Flasim”  ai është në rolin e moderatorit.

Një nismë e re por që Rama beson se të tjerë do e ndjekin pas, ashtu siç e kanë ndjekur edhe me modelin e veshjes së atleteve me kostum.

Pjesë nga biseda e podcastit me këngëtaren Elvana Gjatën

Elvana Gjata: Po një herë në jetë ndodh që një kryeministër bën një podkast edhe kemi siç e thashë dhe në mesazh, ndajmë të dy sukses në karrierat tona dhe do kisha shumë kënaqësi që të flisja për disa gjëra që ndoshta nuk i kam prekur më parë.

Kryeministri Edi Rama: Unë kam bërë disa gjëra që duket sikur ndodhin një herë në jetë. Pastaj, të tjerët i kanë marrë dhe i kanë bërë shumë herë në jetë. Kështu thoshin edhe kur unë vesha atlete me kostum. Pastaj, të gjithë jo vetëm këtu, por edhe në vende të tjera tani i përdorin atletet me kostum. Për mos thënë të tjera, të tjera... 

Elvana Gjata: Me kollare me ngjyra nuk kam parë njeri akoma.

Kryeministri Edi Rama: Po se është pak më e sikletshme që t’u shkosh mirë ngjyrave. Po, gjithsesi, unë besoj që ti je akoma shumë e re dhe do kesh një jetë ku do ketë dhe të tjerë që do përpiqen të bëjnë këtë që unë bëj për herë të parë në jetë.

Lajmi kryesor:

Elvana Gjata në podcast me kryeministrin: Stadiumi kryevepër! Rama: Edhe për koncerte! Këngëtarja: Të rinjtë të mos kenë frikë nga paragjykimet

S.G/Shqiptarja.com

TAG:
• edi rama
• Elvana Gjata