TIRANË- Me buqeta me lule, kryeministri Edi Rama ka pritur në selinë e PS-së gratë socialiste me rastin e 8 marsit. Në diferencë nga gratë e tjera, 2 buqetat më të mëdha ishin për Vasilika Hysin dhe Eglantina Gjermeni. Kjo për një arsye madhore, sepse këto 2 gra me një kontribut të madh në politikë, kanë zgjedhur që të largohen, nuk do të jenë pjesë e listës për deputet në zgjedhjet e 25 prillit.
Hysi dhe Gjermeni kanë mbajtur fjalën e tyre "të lamtumirës", të cilat e kanë nisur duke rrëfyer rrugëtimin e tyre në politikë që nga momenti kur kanë marrë ftesën për të qenë pjesë të PS-së. Të dyja historitë, kanë një të përbashkët. Si Gjermeni, ashtu edhe Hysi kanë refuzuar fillimisht të futen në politikë, mes steriotipeve që kanë pasur, por këmbëngulja e kryeministrit Edi Rama ishte e madhe, aq sa nuk e kanë refuzuar dot. Kjo sepse, siç ka rrëfyer vetë Rama, kundërargumenti më i fortë që i dha refuzimit të tyre ishte "bëjeni politikën si ju dhe jo të kundërtën".
"Mirënjohje gjithmonë në këtë Ditë të Gruas, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PS vlera e kontribute të reja dhe për 12 vjet rresht e përfaqësuan PS me dinjitet e profesionalizëm, në Kuvend e në Qeveri
Vasilika Hysi dhe Eglantina Gjermeni, shumë faleminderit nga zemra për gjithçka dhatë e bëtë në këtë rrugëtim të jashtëzakonshëm dhe faleminderit edhe për leksionin e qytetarisë, mençurisë e mirësisë që u dhatë të gjithëve, me tërheqjen plot klas nga jeta parlamentare, si edhe premtimin për të vazhduar të jeni pjesë e këtij rrugëtimi pavarësisht karriges", shkruan Rama.
Me largimin nga politika, Gjermeni do të majë vetëm portin e kryetares së nënkomisionit për barazinë gjinore në Asambleja Parlamentare e KE, e ndërsa Vasilika Hysi është shprehur e gatshme që të japë kontributin e saj sa herë të jetë e nevojshme për Reformën në Drejtësi.
Vasilika Hysi ka bërë një përmbledhje të gjithë rrugëtimit të saj në politik, teksa është vlerësuar maksimalisht nga kryeministri Edi Rama për kontributin e saj. Edhe Hysi, njësoj si Gjermeni ka rrëfyer se ka hezituar fillimisht të pranojë ftesën.
Hysi: Kur ka rënë telefoni atë ditë, lexoj Edi Rama thashë bobo, do reagonte për ndonjë deklaratë, mendova se si do kishte merak për ndonjë çështje dhe kur tha për një kafe, thashë po mirë. Dhe më tha meqë lufton kaq shumë të luftosh nga brenda, u çudita, por që ajo ditë nuk kam qenë e qetë. Ajo që kisha menduar unë për politikën më ra dhe thashë ishalla s'më merr më. Këmbënguli fort dhe më mori. Më tha "mos ndrysho". Më erdhi shumë mirë që këtë e dëgjova dhe për Luljetën, ka nevojë për njerëz që nuk janë të gjithë e njëjta prerje", tha Hysi.
Rama: Kam dëgjuar, "obobo", s'mund të bëhem unë dot ashtu. Unë iu thashë që PS të bëhet si ju, jo ju si PS në sensin e shablloneve, por del "sot më e gatshme për t'u bërë risi e PS seç ishte herë, je çliruar nga makthet e Komitetit të Helsinkit. Po del jo e transferuar negativisht", tha Rama.
Në fjalën e saj të "lamtumirës" nga PS, Englantina Gjermeni ka treguar se si ka qenë rrugëtimi i saj në politikë.
" I thashë po un kam pak emocione, kur të mos kesh emocione duhet të ikësh nga politike, Po iki para kohe, mendoj që ka qenë një periudhë e jashtëzakonshme, kam mësuar, jam rritur, u jam mirënjohëse të gjithëve që më kanë mbështetur, PS, juve, kam pasur fati të kandidoj në Krujë, Lushnje dhe jam ndjerë e vlerësuar, çështjen e grave që e kam përemër jam munduar ta ruaj me fanatizëm dhe më vjen mirë që jemi më shumë gra, është një kontribut që dua ta vazhdoj, përveç mirënjohjes dhe faktit që mirënjohja është një tjetër ndjenjë. (...). Kam thënë nuk jam tipi që mund të mbijetoj në politikën shqiptarë. Rama më tha "pse s'duhet të jetë si ty politika". Dhe në fakt kështu e kam menduar politikën, me argumente, më njerëzore. U përpoqëm që të sjellim një ndryshim. Angazhimi në politikë ka qenë sfidë, jam vlerësuar shumë, deputete, ministre, deputete sërish. Është tamam mision", tha Gjermeni.
Nga ana tjetër, kryeministri ka treguar reagimin e Gjermenit, kur mori ftesën për deputete.
"Kapte kokën me duar dhe thoshte "jo, jo", tha Rama.
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07
