Rama nga Asambleja e PS: Kongresi jo një paraqitje informuese, qëllimi autokritika

Kryeministri Edi Rama gjatë fjalës së tij në Asamblenë e PS, tha se Kongresi i cili pritet të zhvillohet më 9 prill nuk do të jetë vetëm një paraqitje informuese, por do të ketë brenda edhe shpirtin kritik dhe autokritik. Ai tha se qëllimi i të gjithëve është bashkimi për të “luftuar” këtë moment të vështirë që po përjetojmë.

“Qytetarët pa dallim të jenë bashkë. Jo për zgjedhjet por për rrugën deri kur pastaj do të duet përsëri të gjykojë dhe të bëjë zgjedhjet e veta. Nuk është shkrirje në një parti ,por bashkim që do të thotë përballje e një kohe të jashtëzakonshme me një rezistencë të jashtëzakonshme. Thelbi është bashkimi, jo ndarja. Jo për të qenë të gjitha dakord, por për të rënë dakord për nevojën e jashtëzakonshme që ka kjo kohë për të rezistuar dhe për të mos e lëshuar korsinë e zhvillimit të mëtejshëm.

Në fund të kësaj fjale, unë do t’iu kërkoja të gjithë deputetëve të PS atë që i kam kërkuar organizatorëve dhe drejtuesve të paneleve në mbledhjen e fundit të kryesisë, edhe kryetarët e bashkive që të angazhohen aktivisht gjatë gjithë ditës së kongresin qoftë në panelet sipas zonës së tyre të përfaqësimit, pozicionit në rrjetin e organizimit parlamentar , apo pushtetin vendor. Në mënyrë që kongresi të mos jetë një paraqitje informuese e publikut, por te ketë brenda edhe shpirtin kritik dhe vetëkritik. Debati të zhvillohet si një ndarje reale e shqetësimeve. Të gjithë bashkë të ndihmojnë njeri-tjetrin për të dalë tek vendimet dhe për të bërë zgjedhjet më të arsyeshme.”, tha kryeministri.

LEXO EDHE:
VIDEOLAJM/ Tirana si pikënisja e tureve turistike

Lajmi kryesor:

PS mbledh Asamblenë, Rama: Në Kongres autokritikë, kundërshtarët nuk ekzistojnë! Presidentin e bisedojmë me copat dhe me çikat e opozitës! I kemi numrat për ta zgjedhur edhe vetëm

J.GJ./Sh.Sh/Shqiptarja.com

TAG:
• PS
• edi rama
• zgjedhja e presidentit te ri
• kongresi i ps