Rama njofton ndryshimet në qeveri, shkarkohet si ministër i Brendshëm, Peleshi kreu i grupit të PS! Ikën Mete

Kryeministri Edi Rama në Kongresin e PS njoftoi ndryshime në qeveri. Rama tha se do t’i dorëzojë Presidentit dekretin për disa ndryshime, Ervin Mete ikën nga kabineti qeveritar. Ministër i Financave propozohet Petrit Malaj, aktualisht kreu i Agjencisë Kombëtare të Burimeve Natyrore.

Taulant Balla pritet të shkarkohet si ministër i Brendshëm dhe t’i besohet posti i ministrit të Shtetit për Marrëdhëniet me Parlamentin, post që më parë mbahej nga Elisa Spiropali. Kjo e fundit do propozohet kryetare e Kuvendit, në vend të Lindita Nikollës që dha dorëheqjen.

Vendin e Ballës si ministër i Brendshëm pritet ta marrë Ervin Hoxhaj, aktualisht kreu i IKMT. Po ashtu, Rama propozon shkarkimin e Niko Peleshit si ministër i Mbrojtjes, të cilit pritet t’i japë postin e kreut të grupit të PS. Ministri i Mbrojtjes, sipas propozimit të Ramës, pritet të jetë Pirro Vëngu, drejtori i Portit të Durrësit.

LEXO EDHE:
Nga Korridori blu, tek pista Formula 1 në Elbasan, Rama rendit projektet për mandatin e katërt

"Do i propozoj grupit që në seancë të menjëhershme ti japim mbështetje Spiropalit për të marrë drejtimin e parlamentit. Do propozoj Bledi Çuçin nënkryetar, Peleshi kreu i grupit të PS. Sot menjëherë pas këtij takimi i çoj presidentit propozimet për ndryshimet në qeveri, Balla ministër për marrëdhëniet me parlamentin, ministër i Brendshëm, Ervin Hoxha, i Financave, Petrit Malaj dhe i mbrojtjes Pirro Vëngu", tha Rama. 

Sondazhi i ditës:

Sa përcaktuese do jetë vota e emigrantëve në zgjedhjet e 2025-ës?

• Shumë

  27.8%

• Pak

  39.7%

• Aspak

  32.5%

Vota total: 2177

Votat totale janë unike

• Sondazhi i ditës:

  Sa përcaktuese do jetë vota e emigrantëve në zgjedhjet e 2025-ës?

  Shumë Pak Aspak