Rama për mediat britanike: Qeveria e Sunak shprehu ‘keqardhje dhe siklet' për retorikën anti shqiptare! Kërkesa për azil? Duhet sistem vizash, njerëzit të aplikojnë lirisht

Kryeministri shqiptar nga Londra ka deklaruar se qeveria britanike ka treguar shenja keqardhjeje dhe sikleti për komentet anti shqiptare të sekretares së brendshme Suella Braverman. Ai ka dhënë një intervistë për në televizionin “Sky News”, në studion e emisionit të mëngjesit, ku është shprehur se “Downing Street ka treguar ‘shenja të rëndësishme keqardhjeje dhe sikleti’ mbi retorikën e përdorur nga ministrat për të përshkruar shqiptarët”. Kryeministri shqiptar ka thënë se shpreson që kjo situatë të mos përsëritet më dhe se komuniteti shqiptar këtu do të jetë vërtet i nderuar për këtë.

“Marrëdhëniet britaniko-shqiptare prekën pikën më të ulët në histori që kur ne kemi dalë nga komunizmi për shkak të asaj retorike që e ka vënë komunitetin shqiptar në Britani nën një presion shumë, shumë të rëndë. Më duhet të them se më në fund, në anë të Downing Street, jemi dëgjuar dhe nuk ka vetëm fjalë, por edhe vepra për të krijuar një grup të përbashkët pune për të goditur rrjetet kriminale, që sigurisht është diçka që Shqipëria gjithmonë e ka kërkuar”, thënë ndër të tjera Rama.

I pyetur për çështjen e azilkërkuesve, Kryeministri Rama tha se e rëndësishme është të goditen grupet kriminale ndërkombëtare që realizojnë trafikun e qenieve njerëzore por edhe theksoi se është e rëndësishme që ketë një sistem vizash që njerëzit të kalojnë normal.

“Duhet të ketë një sistem vizash që u jep njerëzve mundësi të aplikojnë rregullisht dhe të përpunohen pa kaluar Kanalin, që të vijnë këtu të punojnë, të vijnë e të ofrojnë aftësitë e tyre. Ky është një kombinim faktorësh, që po merr formë dalëngadalë dhe jam i sigurt se kjo çështje do të zgjidhet, por nuk jam i sigurt se të mbyllësh kufijtë dhe të mos i lësh njerëzit të vijnë është më e mira për ekonominë britanike. Megjithatë, nuk më takon mua ta vendos këtë, u takon britanikëve”, tha Kryeministri.

Na thoni pak për bisedimet tuaja me Kryeministrin Rishi Sunak dje. Cili ishte mesazhi kryesor që donit të përcillnit?
Kryeministri Edi Rama: Sigurisht marrëdhëniet shqiptaro britanike janë të një rëndësie mjaft të madhe strategjike dhe ato kanë prekur pikën më të ulët në histori qysh se kemi dalë nga komunizmi, për shkak të asaj retorike që e ka vënë të gjithë komunitetin shqiptar në Britani nën një trysni shumë të madhe. Po, nga ana tjetër, ndërkohë që e bëra shumë të qartë qëndrimin tim për retorikën, marrëdhënia jonë nuk është aspak e lidhur vetëm me këtë, por me shumë më tepër. Patëm një takim shumë konstruktiv me Kryeministrin dhe më duhet të them se, qoftë sa i takon asaj çfarë ka qenë me rëndësi për të, për të goditur rrjetet kriminale, ashtu edhe në aspektin e asaj çfarë është e rëndësishme për të dyja palët për të ndërtuar marrëdhënie shumë të forta, kemi shënuar përparime të domethënëse. Më duhet të them se, më në fund, nga ana e Downing Street jemi dëgjuar dhe nuk ka më vetëm fjalë, por edhe vepra në ngritjen dhe funksionimin e grupeve të punës për të goditur rrjetet kriminale, që është sigurisht diçka që Shqipëria e ka dashur gjithnjë. Gjithnjë kemi qenë të gatshëm të bashkëpunojmë me Britaninë.

Folët për retorikën për të cilën ishit i pakënaqur. Komentuat veçanërisht gjuhën e Suella Braverman, Sekretarja e Punëve të Brendshme. E quajtët të turpshme. Na thoni pak se për çfarë ishit kundër dhe çfarë ka shkaktuar kjo në këto marrëdhënie.
Kryeministri Edi Rama: Dëgjoni, sërish mendoj se e kam bërë shumë të qartë qëndrimin tim dhe nuk dua ta përsëris herë pas here, sepse nuk do të ishte e drejtë në raport me tablonë shumë më të gjerë e marrëdhëniet shumë më të thella midis Shqipërisë dhe Britanisë dhe, po ashtu, nuk do të ishte e drejtë të këmbëngulnim te kjo, ndërkohë që ka sinjale shumë domethënëse pendese dhe një ndjenjë sikleti, që mjaftojnë në këtë pikë. Shpresoj fort se kjo nuk do të përsëritet më  dhe që komuniteti shqiptar këtu do të nderohet vërtet për atë që është, sepse një gjë është vënia në qendër të vëmendjes e varkave, e kriminelëve dhe e gjithçkaje shqetësuese, por nga ana tjetër nuk duhet harruar kurrë se shqiptarët ia kanë dalë shkëlqyeshëm dhe kontribuojnë që Britania të jetë një vend më i mirë. Dje, dola nga hoteli bashkë me njerëzit që kujdesen për sigurinë time dhe dëgjoj një zë nga qiell: “Edi, Edi, Edi!”. Ngrita kokën lart, aty ishte një kantier ndërtimi dhe lart ishin tre persona të veshur si punonjës ndërtimi dhe që të tre ishin shqiptarë. Shqiptarët këtu punojnë për firmat e ndërtimit, shqiptarët këtu kujdesen për të moshuarit tuaj, shqiptarët këtu gatuajnë duke përmirësuar kuzhinën britanike, më duhet ta them dhe madje këndojnë për ju. Mos të flasim këtu për akademikët, për studentët. Ka qenë kaq e padrejtë ndaj tyre të viheshin nën një trysni të tillë, ndërkohë që ata janë një bazë kaq e fortë për të ndërtuar diçka shumë të rëndësishme.

Pra ju doni vërtet të theksoni rolin e rëndësishëm që shqiptarët luajnë në komunitetet tona, por ekziston shqetësimi për numrin e atyre që vijnë me varka, që ju e keni diskutuar edhe me Kryeministrin. Shqiptarët përbëjnë 28 % të atyre që mbërritën me varka vitin e kaluar. Sa i shqetësuar jeni ju për këtë?
Është një prirje në të gjitha vendet që kanë dalë nga koha e errët e komunizmit dhe që po përpiqen të arrijnë atë çfarë ka qenë pika jonë e horizontit, duke parë nga vendet e zhvilluara. Nuk mund t’i ndalosh të rinjtë të ëndërrojnë dhe të shpresojnë, sepse, po, Shqipëria është një rast, por ka edhe raste të tjera si, për shembull, Kroacia. Sot, Kroacia është plotësisht e integruar në Bashkimin Europian. Është një vend që ka bërë përparim shumë të madh dhe, prapë, ka kaq shumë kroatë, profesionistë, të rinj, që shkojnë drejt Irlandës apo që lëvizin drejt Gjermanisë, sepse duan të marrin një gjë më shumë dhe e duan tani. Kështu, kjo është diçka që lidhet edhe me faktin që, të gjithë e dinë dhe këta të rinj që vijnë nga Shqipëria e dinë se në Britani ka shumë nevojë për punonjës ndërtimi, ka shumë nevojë për drejtues taksish, për drejtues kamioni, për infermierë, ndaj ka lidhje edhe me këtë. Nuk jam këtu të vë në diskutim sovranitetin dhe mandatin e qeverisë britanike për të pasur një politikë për kufijtë dhe për të zgjedhur të jetë e mbyllur ndaj flukseve që mësyjnë drejt Britanisë për një vend pune, por gjithçka ka lidhje pikërisht me këtë. Ka lidhje me motivet ekonomike, me ardhjen, gjetjen e një pune dhe ndërtimin e një të ardhmeje në një vend që ka qenë gjithnjë “qyteti i praruar mbi kodër”.

Po dhe shqiptarët, edhe vitin e kaluar, kanë qenë kombësia me më shumë kërkesa për azil. Më pak se gjysmës së tyre iu është dhënë azil dhe duhet të përballemi edhe me këtë.
Ata kërkojnë azil, sepse nuk ka rrugë tjetër. Ata nuk janë pjesë e tregut të lirë të punës, që, për shembull, nuk është rasti i kroatëve, nuk është rasti i rumunëve, i bullgarëve e kështu me radhë. Nga ana tjetër, për  shkak të Brexit-it, ju e dini, kanë ndodhur disa probleme, ju keni humbur shumë krah pune nga këto vende, kështu që e gjitha ka të bëjë me ëndrrat dhe shpresat për të marrë atë që imagjinojnë se është më e mira për jetën e tyre tani, pa pritur shumë vite që kjo të realizohet në Shqipëri.

Po, por kur aplikojnë për azil, shumë prej tyre nuk e marrin. Rreth gjysmës u refuzohen aplikimet dhe ju keni një marrëveshje me Britaninë për t’i kthyer mbrapsht. Si po funksionon kjo?
Kemi pasur një rritje të shifrave në vitin 2015, kur Europa u godit nga kriza e madhe e refugjatëve dhe ishte momenti kur shumë shqiptarë shkuan drejt Gjermanisë dhe ndërkohë që e rregulluam me Gjermaninë kategorizimin si vendi i sigurt i origjinës, numri u ul, ndaj bërja e azilit më pak e lehtë për t’u përdorur nga njerëzit, të cilët nuk vijnë në të vërtetë se kanë motive politike apo se persekutohen në vendin e tyre, apo se po i ikin luftës, por e përdorin azilin vetëm si mundësi për të qëndruar e për të punuar këtu është njëra prej rrugëve dhe Britania po e bën këtë tani. E dyta, ne duhet të godasim rrjetet që janë ndërkombëtare, nuk janë rrjete shqiptare, por ndërkombëtare. Prandaj është shumë e rëndësishme të ndajmë luftën kundër krimit nga grupet etnike, që nuk mund të etiketohen si grupe që ushqejnë botën e krimit.

Nga ana tjetër, duhet të ketë një sistem vizash që u jep njerëzve mundësi të aplikojnë rregullisht dhe të përpunohen pa kaluar Kanalin, që të vijnë këtu të punojnë, të vijnë e të ofrojnë aftësitë e tyre. Ky është një kombinim faktorësh, që po merr formë dalëngadalë dhe jam i sigurt se kjo çështje do të zgjidhet, por nuk jam i sigurt se të mbyllësh kufijtë dhe të mos i lësh njerëzit të vijnë është më e mira për ekonominë britanike. Megjithatë, nuk më takon mua ta vendos këtë, u takon britanikëve.

Edi Rama, e vlerësojmë që erdhët të flisnit sot këtu me ne dhe ejani sërish të na thoni lidhur me përparimet që po bëni dhe për marrëdhëniet me Mbretërinë e Bashkuar. 

Faleminderit shumë! Shpresoj të mirëpres Kryeministrin në Shqipëri. Kjo është hera e parë që një kryeministër shqiptar vjen në Britani zyrtarisht, por ende nuk ka pasur një kryeministër në histori që të vijë zyrtarisht në Shqipëri. Toni Blair e vizitoi, por ishte për shkak të luftës në Kosovë dhe me shprese do të kemi një kryeministër tuajin që do të vijë dhe do t’ju kemi edhe ju që të na intervistoni nga Tirana.

Tingëllon si plan i mirë. Kur mund të ndodhë kjo?
Nuk e di, nuk e di. Shpresoj që nuk do të presim një kryeministër tjetër që të presë kryeministrin britanik në Tiranë

Rendit zhvillimet sipas orarit:
Ora 19:43
Rama: Mbretëria e Bashkuar i jep 4 mld euro Shqipërisë, në dispozicion për projektet strategjike

Kryeministri Edi Rama thotë se Mbretëria e Bashkuar ka vënë në dispozicion të Shqipërisë një fond prej 4 miliardë eurosh. Ky fond sipas Ramës do të vihet në dispozicion të projekteve strategjike të vendit tonë.

Lajmi është ndarë nga Rama përmes një postimi në ‘Facebook’, ndërsa shkruan se ka zhvilluar një vizitë me drejtorin ekzekutiv të “UK Export Finance”. Kreu i qeverisë nuk ka dhënë detaje të tjera mbi këtë fond.

Kryeministri Shqiptar ndodhet në Mbretërinë e Bashkuar prej dy ditësh, ku është takuar me kryeministrin e Britanisë së Madhe Rishi Sunak, por edhe me të tjerë krerë të politikës si dhe investitorë ku është biseduar për mundësi të reja biznesi.

“Takim me drejtorin ekzekutiv të “UK Export Finance”, Tim Reid, ku diskutuam mbi volumin 4 miliardë € që Mbretëria e Bashkuar ka vënë në dispozicion të projekteve strategjike të Shqipërisë”, shkruan Rama.

Ora 18:53
Rama takohet me drejtues të kompanive më të rëndësishme të Mbretërisë së Bashkuar, diskutime mbi investime që lidhen me biznesin

Gjatë qëndrimit të tij në Londër, kryeministri Edi Rama është takuar me disa prej drejtorëve ekzekutivë të kompanive kryesore në Britaninë e Madhe. Në një mbishkrim në fotot e publikuara, Rama shkruan se në focus të diskutimeve kanë qenë temat që lidhen me investimet në biznes, energjinë dhe mjedisin.

“Londër - Bashkë me drejtorët ekzekutivë dhe anëtarë të bordit të kompanive kryesore në Mbretërinë e Bashkuar, diskutuam mbi investime që lidhen me biznesin, energjinë dhe mjedisin”-shkruan Rama.

 

Ora 14:45
Rama publikon foto nga takimi me Rishi Sunak, zbulon dhuratat që i ka dhënë kryeministrit britanik

 

Kryeministri Edi Rama ka publikuar fotot nga takimi me kryeministrin e Britanisë së Madhe Rishi Sunak në Downing Street një ditë më parë. Siç shihet edhe nga fotot, kryeministri shqiptar nuk ka shkuar duarbosh në Downing Street, pasi siç duket i ka dhuruar kryeministrit britanik një targë të personalizuar si dhe një libër.

Ora 12:55
Rama pritet në takim nga ministri i jashtëm britanik: Mbretëria e Bashkuar dhe Shqipëria janë miq dhe aleatë! Po punojmë bashkë për emigrantët e paligjshëm

1679659087_641d903d34bbfee.JPG

Kryeministri Edi Rama është pritur në një takim nga ministri i Punëve të Jashtme të Anglisë, James Cleverly, i cili shprehu bashëpunim për çështjen e emigrantëve.  

“Mbretëria e Bashkuar dhe Shqipëria janë miq dhe aleatë. Sfidat me të cilat përballemi nuk mund të zgjidhen vetëm. Kjo është arsyeja pse ne po punojmë së bashku për të trajtuar migracionin e paligjshëm dhe për të mbrojtur sigurinë e Evropës”, shkroi Cleverly.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 25/03/2023 09:40

    E shihni se sa ndjenja pèrkujdesjeje pèr ne popullin, shpreh ky kryeministèr. Edhe atje larg, nè Anglinè me motin e keq, pèrvèlohet pèr delet e tij. U nxjerr sytè indianève, tè veshur si englezè, qè bèjnè zhurmè kundèr shqiptarève nè Angli. Edhe nè Greqi, kètè gjè bèri. Aty biles, e kishte rrahur persinalisht njè ministèr grek pèr shkak tè krimeve ndaj shqiptarève atje. U shtangèn grekèt nga kaq shumè vendosmèri dhe dashuri pèr kombin. Mos,,,thanè ata,,ç,na gjeti neve? Na u kthye Ali Pashai dhe do marrè jo vetèm Janinèn por edhe ç,ti dalè pèrpara. Mbasi i fitoi thellè kèto 2 luftra,,do kthehet tek ne nè mèmèdhe pèrsèri,,nè gjirin e tè tijve qè SPAK po ia rrèmben njè nga njè, pèr arsye qè ai vetè,,NUK I DI FARE. Vjedhin zarat e tij, ç,tu shohè syri. Edhe dashnorja e tyre e katèrt, ka nga njè vilè nè Palasè apo Dhèrmi por kryeministri ama,,,,JO ORE JO,,,NUK DI GJÈ FARE. Lum ne pèr kètè kryeministèr. Sa herè e shoh nè erkran, (dhe ne kètu e shohim gjithè ditèn), ngazèllehem. Nga gèzimi, nuk ndalem sè kènduari atè kèngèn e Çerçizit,,,,,Te rrapi, more nè Mashkullorè, o foli Çerçizi, more me gojè. Vetèm se tek ajo fjala RRAPI, ngatèrrohem gjithmonè dhe nè vènd tè R sè parè,,mè del T nga goja.!!!

    Përgjigju
  • vlonjati: 25/03/2023 09:03

    Rama kerkon nga Anglia qe ti hape rruge shqiptareve per emigrim dhe ne asnje menyre nuk mendon apo ti beje thirrje shqiptareve qe te mos emigrojne sepse kushtet e jeteses do te rriten edhe ketu tek ne,perkundrasi per kete i ka marre masat duke kerkuar qe ata qe ikin te zevendesohen me bangladeshas apo nga Nepali! Ky po qe eshte K.M-qe mendon per ne.

    Përgjigju
  • Arbër: 25/03/2023 00:31

    Mbretria so ta kap ty të trashët e sulos o kriminel

    Përgjigju
  • Goni: 24/03/2023 17:49

    Sa mire gjithmone ne mbrojtje te vendit tone

    Përgjigju
  • Olti: 24/03/2023 17:46

    Sa mire qe po i mbeshtesni shqiptaret ne angli

    Përgjigju
  • Goni: 24/03/2023 17:45

    Shpresojme qe levizja me angline te lehtesohet shume

    Përgjigju
  • Lori: 24/03/2023 16:48

    Te lumt goja z.Rama. Flm, për mbështetjen.

    Përgjigju
  • Bregdeti: 24/03/2023 16:01

    RAMA eshte inteligjent do të sjell turist britanik ne bregdet shqiptar nese Kjo ndodh vetëm nga turizmi shqipëria do shkoje 10-15 bill€ gdp dhe ndoshta 15-20mil turiste vjetor ! Bravo iku koha e azilit tani ka ardhur koha që Shqiptarët të jene Sikur EU me viza pune , viza studimi, biznesi apo kulturor! Nese RAMA bind lryeministrin britanik për vizite në Tirane mbetet arritje me e madhe shek XXI , për mendimin tim RAMA ti jape edhe çelesat e hekurudhes kompanive britanike , pra hekurudha shqiptare ta marrin anglezet me koncesion dhe ta modernizojne! Bravo qeveria!

    Përgjigju
  • risi cullak: 24/03/2023 15:43

    mos e bej veten te te shajne o hajdut ordiner....

    Përgjigju
  • grea: 24/03/2023 15:03

    hajt mo, pun shqiptaresh

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet