Rama pas takimit me ministrin grek të energjisë: Plane të përbashkëta bashkëpunimi në sektorin energjetik

Rama pas takimit me ministrin grek të energjisë: Plane të përbashkëta bashkëpunimi në sektorin energjetik

Kryeministri Edi Rama në takim me ministrin grek të energjisë

TIRANË- Kryeministri Edi Rama ka bërë me dije se Shqipëria dhe Greqia kanë plane të përbashkëta në sektorin e energjisë, në një kohë kur tregu ndërkombëtar ka pësuar "tronditje" për shkak të luftës së Ukrainë. Në një intervistë për mediat greke, pas takimit me ministrin e energjisë Kostas Skrekas, Rama tha se në fokus të takimit ishin planet konkrete të bashkëpunimit në këtë sektor.

“Kemi plane të përbashkëta dhe shumë të dobishme reciprokisht dhe na duhet vetëm që të ecim përpara me shpejtësi dhe të përfitojnë nga këto plane, nga fakti që mund të shkëmbejmë energji duke qënë se kemi burime të natyrave të ndryshme, ne jemi hidro 100 %, Greqia është gaz, është termo”, tha Rama.

Nga ana tjetër, ministrja e Infrastrukturës dhe Energjisë, Belinda Balluku tha se është diskutuar edhe mundësia e investimeve që pala greke mund të bëjë në territorin shqiptar, sa i përket burimeve të reja energjetike.

 “Kemi diskutuar për sa i përket mundësive të investimeve që pala greke mund të bëjë në territorin shqiptar, sa i përket burimeve të reja energjitike, sigurisht flasim mes nesh për burime të gjelbërta energjetike”, tha Balluku.

Sektori i gazit ka qenë një tjetër temë e rëndësishme e diskutimit dypalësh, nisur edhe nga fakti se të dy vendet, si Greqia me terminalin e Aleksandropulit, ashtu dhe Shqipëria me terminalin e Vlorës kanë vendosur që të investojnë në gazifikim në 10-vjeçarin e ardhshëm.

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

Protesta, testim forcash apo PD rifutet në aventurë?

Protesta, testim forcash apo PD rifutet në aventurë?