Tërmeti 'bashkon' Ramën dhe Metën! Presidenti dekreton Ahmetajn si ministër i Rindërtimit, 'pa asnjë sekondë vonesë'

TIRANE- Krijohet Ministria e Rindërtimit. Kryeministri Edi Rama i ka propozuar presidentit Ilir Meta emërimin e Arben Ahmetajt si ministër shteti për Rindërtimin. Bashkangjitur propozimit që i është dërguar kreut të shtetit, Rama shkruan se programi i Rindërtimit dikton hapjen e një vendi të posaçëm në tryezën e Këshillit të Ministrave, për koordinimin e të gjitha institucioneve vendase e ndërkombëtare që lidhen me këtë program.

"Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programit", shkruan Rama.

I menjëhershëm ka qenë reagimi i presidencës. Zëdhënësi Tedi Blushi ka njoftuar se presidentit Ilir Meta ka dekretuar menjëherë Ahmetaj në pozicionin e propozuar nga kreu i qeverisë.

"Asnjë sekondë vonesë për dekretimin e ministrit të ri të Shtetit për Rindërtimin", shkruan Blushi.

Unifikimi i qëndrimit të dy institucioneve, vjen pas disa muajsh përplasje dhe akuza të ndërsjella, pikërisht në kuadër të tragjedisë që shkaktoi tërmeti i 26 Nëntorit. Ministria e Rindërtimit tashmë do të koordinojë punën e të gjithë mekanizmave të angazhuara për rimëkëmbjen e ndërtesave që u shembën pas tërmetit. Veç fondeve të shtetit, donacioneve të OJF-ve, një mbështetje e madhe ka ardhur edhe nga faktori ndërkombëtar.

Komisioni Europian ka vendosur të organizojë në Tiranë konfrencën e donatorëve, në fund të Janarit të vitit të ardhshëm, periudhë e cila përkon edhe me përpilimin e faturës së dëmeve e cila do të jetë gati në datë 16 Janar.

Propozimi i kryeministrit Edi Rama

Dekretimi i Arben Ahmetaj si ministër i Rindërtimit

Rendit zhvillimet sipas orarit:
Ora 15:28
Meta dekreton Arben Ahmetajn ministër Shteti për Rindërtimin


Presidenti Ilir Meta ka dekretuar, propozimin e Kryeministri për të emëruar Arben Ahmetaj si ministër Shteti për Rindërtimin e zonave të prekura nga tërmeti i rënë më 26 nëntor, ku la pas 51 viktima dhe mijëra banesa të shkatërruara.

Pas dekretimit të Metës, automatikisht Ahmetaj është Ministri i Shtetit për Rindërtimin. Gjatë ditës së sotme menjëherë pasi u bë propozimi për Ahmetajn, Presidenca nuk vonoi dhe deklaroi se binte dakord për ministrin e Shtetit.

Politika në këtë kohë të vështirë që po kalon Shqipëria pas tërmetit janë mobilizuar për të dhënë sadopak ndihmë.

/r.k./Shqiptarja.com
  • Sondazhi i ditës:

    Frika nga varianti Delta, a është momenti i vaksinimit me detyrim për kategori të caktuara të popullatës ?

Komento

Komente

  • Pencionisti: 14/12/2019 02:10

    Z president ke bere krim me dekretimin e hajdutin e pencionisteve ahmetaj

    Përgjigju
  • E mi gra nti: 13/12/2019 13:12

    Tashi i mori dreqi lekët e buxhetit shtetit, lekët e donatorëve privatë, fondet e BE dhe BB. Po pse, i varen mëlçitë në qafë ujkut Ahmetaj? Mjer populli shkretë.

    Përgjigju
  • Tini: 13/12/2019 13:06

    E gjeti Rama adapun e PPP

    Përgjigju
  • Tironsi: 13/12/2019 13:04

    Arben Ahmetaj Nje SUPER HAJN.

    Përgjigju
  • Anna: 13/12/2019 13:01

    Po i varin ujkut melcite ne qafe, o mjere ne.

    Përgjigju


×

Lajmi i fundit

John

Veliaj publikon pamjet e lagjes së re te “5 Maji”, Veliaj: . 3500 apartamente, s’ka kohë për pushim