Rama publikoi video nga kantieri, Teliti nuk pret: 1 vit nga tërmeti, s'ka asnjë shtëpi të ndërtuar, asnjë shkollë e spital të përfunduar

Pasi kryeministri Edi Rama ka publikuar një video nga kantieri i rindërtimit në Laç, ka ardhur menjëherë një përgjigje nga Partia Demokratike.

Sipas PD një vit nga tërmeti nuk ka ende asnjë shtëpi e shkollë të përfunduar.

"Pothuajse 1 vit nga tërmeti, nuk ka asnjë shtëpi të ndërtuar, asnjë shkollë, asnjë spital të përfunduar në Laç. ER nuk mbajti asnjë premtim. Ai shfaqet në sheshet e ndërtimit me regjinë qëndrore të propagandës dhe sapo ai ikën nga sheshi i teatrit të propagandës largohen dhe fadromat për t’u zhvendosur në një shesh tjetër, atje ku propaganda nis shfaqjen e radhës.

Në Laç, një vit pas tërmetit, vetëm janë lidhur kontratat për banesat individuale dhe janë hedhur themelet. Për godinat publike, është paraqitur një projekt në 3D por nuk ka asnjë zbatim dhe asnjë projekt nuk është prokuruar. Nuk ka propagandë dhe regji qëndrore që mund të fshehë të vërtetën", shkruan Teliti.

Lajmi kryesor:

Rama publikon videon: Nga kantieri i rilindjes në Laç, ku zemra e qytetit po rizgjohet nga rrënojat e tërmetit

TAG:
• edi rama
• Laçi
• kantieri i ndertimit