Ngrihet Komitet i Përbashkët Konsultativ për integrimin në BE! Rama në Bruksel: Po avokojmë të kemi ekipin tonë në Parlamentin Europian

Kryeministri Edi Rama gjatë konferencës së përbashkët me Presidentin e Komitetit Ekonomik dhe Social Europian, Oliver Röpke është pyetur për batutën e tij përpara dy viteve, ku e krahasoj BE-në me librin “Në pritje të Godosë”. Rama tha se batuta e tij nuk ishte krahasimi i BE-së me Godonë, por BE-ja është ajo që po shkruan skenarin tha Kryeministri me batutë. Nga ana tjetër ai vijoi duke thënë se sipas tij tani BE ngjan me letërsinë romantike franceze dhe kjo gjendje sipas Kryeministrit e bën Shqipërinë të ndihet më mirë.

Pyetja e gazetarit: Përpara dy vitesh këtu në Bruksel ju e krahasuat Bashkimin Europian me Godonë, pra me librin e famshëm në “Në pritje të Godosë” keni ndryshuar mendje për BE dhe nëse po pse?

Rama: Jo nuk e krahasova BE me Godonë, unë thashë që BE duket si Beckett që po shkruan skenarin. Këtë thashë atëherë, kështu që BE ka lëvizur nga të qenit Beckett për ne dhe do të thosha që BE ndodhet tani në një periudhë të letërsisë romantike franceze, po të shikojmë sesi do të ecin punët, po në këto faqe të kësaj letërsie ndiheshim me mirë seç ndiheshim tek Beckett-i.

Kryeministri Edi Rama nga Brukseli tha se po avokojnë që Shqipëria të ketë një ekip në Parlamentin Europian. Duke u ndalur tek procesi i integrimit, Rama tha se duhet të bëhen pjesë e organizmave të BE, jo për para, por për të fuqizuar lidhjet me BE dhe të çohet para procesi i inetrgimit.

Kreu i qeverisë tha se kërkojnë që të kenë një ekip në Parlamentin Europian, jo me të drjetë vote, por në mënyrë që mos ta nisin gjithçka nga zero në momentin që Shqipëria të ketë eurodeputetin e saj në BE.

"Ajo që po bën Ropke dhe që e ka përkufizuar tashmë në një status të ri, që është anëtarët e vendeve të zgjerimit, ose kandidatë, duke qenë pjesë e këtij komiteti, ky është drejtimi që ne duam të shkojmë, kërkojmë të bëhemi pjesë e organizmave të BE, jo për shkak të parave, por për ekspertizën dhe se anëtarët do kuptojnë se cila është e ardhmja, dhe nevojën për të fuqizuar lidhjet tona. Po avokojmë që të jemi të pranishëm edhe në Parlamentin Europian, jo me të drejtë vote, por me ekipet tona që do fillojnë të përgatiten për fazën kur do kemi eurodeputetin tonë. Pse të nisim nga zero, duhet të jemi aty me një status të caktuar për të pritur eurodeputetët shqiptarë në të ardhmen", tha Rama. 

Bruksel - Brukseli do të ngrejë një komitetit të përbashkët konsultativ një organ që do të monitorojë por dhe do të japë dhe këshilla për integrimin e Shqipërisë dhe vendeve të tjera të Ballkanit Perëndimor në BE.

Në konferencën për median me kryeministrin Edi Rama, presidentin e Komitetit Ekonomik dhe Social Europian, Oliver Röpke prezantoi dhe qëndrimin e anëtarësimit në bazë të meritës por metodologjia të jetë graduale.

“Jemi të vendosur të vijojmë me këtë projekt, sepse nuk mund të zhgënjejmë asnjë nga anëtarët e vendit Ballkanit perëndimor më tej. Qëndrimi ynë është i qartë.  Sigurisht që anëtarësimi duhet të bazohet tek merita por metodologjia duhet të jetë graduale, një përfshirje graduale e vëndëve candidate. Këtë kemi bërë në komitetin tonë ekonomiko social. Ne jemi pararoja e kësaj metodologjie në BE"

Për ngritjen e këtij komiteti tashmë është përgatitur kuadri ligjor dhe radhën e ka zgjidhja e anëtarëve.

Ka ardhur koha të realizojëm hapin tjetër të radhës. Krijimin e komitetit të përbashkët konsultativ. Një organ qëdo të monitorojë por do të japë dhe këshilla për anëtarësimin e Shqipërisë nga BE. Ne nga ana jonë jemi gati, bazën ligjore e kemi, thjesht të caktohen në mënyrë transparente anëtarët. Duhet të nisim menjëherë me këtë.

Gjithashtu kanë miratuar dhe 2 rezoluta, njëra për presidencën hungareze.

“Në seancën plenare të ditës së djeshme miratuam një rezolutë për mandatin tjetër. Kjo rezolutë do të thotë se qasja jonë për të integruar vendet kandidate dhe shoqërinë civile nga këto vende në mënyrë sa më të shpejtë por graduale është e mëshiruar në këtë rezolutë u bëjmë thirrje dhe institucioneve të tjera të BE-së, të ndjekin shembullin tonë.

Një tjetër opinion tjetër ekspertësh për presidencën hungareze që u miratua për anëtarësimin e vendeve të BE-së ku kemi theksuar funksionet e rëndësishme që do të kenë komitetet e përbashkëta konsultative

Ndërkohë që ritmi i integrimit mund të jetë I ngadaltë, gjithsesi procesi duhet të jetë i orientuar nga rezultatet, i besueshëm dhe i bazuar tek merita. Nuk duhet ta largojmë vëmendjen dhe sytë nga ky moment I rëndësishëm. Qëndrojmë krah për krah me shoqërinë civile për të mbështetur integrimin.