'Expo Dubai 2020', dita e Shqipërisë në një nga panairet më të mëdha në botë, Rama: Krenarë që jemi mes 192 vendeve pjesëmarrëse! Vend ynë i vogël mbetet ende për t'u zbuluar

Kryeministri Edi Rama, në fjalën e tij në një nga panairet më të madha botëror 'Expo Dubai 2020', bëri thirrje për të vizituar Shqipërinë, si një vend i vogël, por me bukuri të shumta që mbeten ende për t'u zbuluar. Për kryeministrin, kushdo që do të vizitojë vendin tonë, ka garancinë se jo vetëm nuk do të pendohet, por përkundrazi do të dojë të rikthehet.

“Midis kaq shumë vendesh të jesh i vogël ne jemi një prani modeste por besojmë se jemi mes atyre vendeve që mbetet ende për tu zbuluar dhe mes atyre destinacioneve që mbeten ende për tu shijuar nga njerëzit nga Europa, Lindja e Mesme e nga mbarë bota. Për këdo që do të vizitojë pavijonin tonë modest të gjitha ata që po dëgjon fjalët dua t’ju them ejani në Shqipëri dhe mund t’iu garantoj se kurrë nuk do të pendohemi në të kundërt do të domi të riktheheni sërish”, tha Rama.

Rama u ndal edhe te marrëdhëniet e Shqipërisë me Emiratet e Bashkuara Arabe, ku theksoi se dy vendet kanë një historik solidariteti, humanizmi dhe miqësie. Për kryeministrin, fillesat e kësaj miqësie mes dy vendeve ishte viti 1999, kur Sheik Muhamed bin Zayed bin Zayed mbërriti në Shqipëri në vitin 1999 për të ndihmuar shqiptarët e Kosovës.

Po ashtu kreu i qeverisë shqiptare përmendi edhe ndihmën që Emiratet e Bashkuara Arabe dhanë për vendin tonë pas tërmetit tragjik të 26 nëntorit.

"Gjendemi këtu sot me një ndjenjë krenarie dhe mirënjohjeje të madhe të ftuar për të festuar pjesëmarrjen e Shqipërisë, mes një numri rekord prej 192 vendesh, të cilat janë mbledhur në këtë ekspozitë të mrekullueshme të Dubait. Është po ashtu me krenari dhe mirënjohje të madhe që erdhëm këtu në një vend mjaft mik, me të cilin, falë një njeriu vërtetë të veçantë, Shehut Mohammed Zayed dhe babait të tij të ndjerë, Zoti e bekoftë, ne kemi një historik solidariteti, humanizmi dhe miqësie.

Ishte viti 1999 kur Sheh Mohammed Zayed mbërriti së bashku me Sheh Maktoum dhe një grup njerëzish në verilindje të Shqipërisë për të ndihmuar, së bashku me njerëz të tjerë të mirë nga mbarë bota qindra e mijëra familje, të cilat ishin shpërngulur me forcë nga tokat e tyre, falë një të ashtuquajturi operacion të çmendur kundër shqiptarëve në Kosovë. Që prej atëherë, ky vend zuri një vend të veçantë në zemrat tona, në kujtesën dhe historinë tonë. Por nuk ishte i vetmi rast ku do të shihnim humanizmin dhe ndjenjën e përgjegjësisë karshi botës dhe qenieve të tjera njerëzore, pavarësisht etnisë së tyre, pavarësisht besimit të tyre, gjuhës që ky vend dhe udhëheqja e këtij vendi, pasi më shumë se 20 vjet pas asaj tragjedie, një tjetër tragjedi goditi vendin tonë. Një tërmet shkatërrimtar dhe pa gjejeni, ishin Emiratet e Bashkuara Arabe dhe udhëheqësi i tyre që bënë përpara dhe qenë nga të parët dhe falë tyre e falë udhëheqjes së këtij vendi dhe bujarisë së njerëzve të këtij vendi, sot kemi një lagje krejt të re që po ndërtohet në periferi të Durrësit, ku tërmeti pati goditjen më të fortë", u shpreh kryeministri.

'Expo Dubai 2020' është një nga panairet më të mëdha botërorë, ku pjesëmarrës janë afro 190 shtete me synimin e lidhjes apo krijimit të partneriteteve ndërkombëtare ne fusha të ndryshme si kultura, biznesi apo investimet. Ky panair do mbahet në Dubai, Emiratet e Bashkuara Arabe, përgjatë periudhës 1 Tetor 2021 deri në 31 Mars 2022.

Kryeministri Rama, në këtë vizitë në Dubai, shoqërohet nga ministret Belinda Balluku, Elva Margariti, Delina Ibrahimaj dhe ministri Bledi Çuçi.

 

 

Rendit zhvillimet sipas orarit:

Të Fundit Të Parat

M.Q./KT/Shqiptarja.com

TAG:
• dubai
• edi rama