Rama-PD: Mos tundni flamurin e SHBA, por kapuni pas atij të PD! E keni kthyer si çarçafët e shtëpive të qejfit që nuk dihet kush i tund

Kryeministri Edi Rama ka komentuar edhe situatën në PD, ku vijojnë problemet e brendshme. Rama i kërkoi atyre që të mos kapen pas flamurit të SHBA, por të punojnë për të ngritur flamurin e PD.

"Ne të 3 raundet e para do synojmë një president që të marrë edhe votat e opozitës. Por do ju lutesha që të paktën për këtë proces të silleni me respekt dhe t'i lënë fyerjet e sharjet. Nuk ka nevojë të shkoni në ekstreme. Ai që mungon këtu, për 8 vite përsëriti të njëjtën gjë, përqeshjet, cinizmi, gjuha e të vdekurit. Ndryshoni gjuhën se nuk merret vesh se kush flet, ju ndan ambasada amerikane? Është qesharake që ju flisni si me imunitet diplomatik nga ambasada amerikane dhe vini këtu na bëni leksion. E kuptoj që diku do kapeni, por kapeni pas flamurit të PD se flamurin amerikan e kapin amerikanët. Flamurin e PD kapni e mundohuni ta ngrini se e keni bërë si ato çarçafët e shtëpive të qejfit që nuk dihet kush e tund", tha ai.

Lajmi kryesor:

Negociatat për Presidentin, Rama ndërpret ëndrrën për deputetët, majtas e djathtas: S’flasim as me Saliun e vdekur! Nëse e zgjidhni në krye ne ndërpresim çdo marrëdhënie me ju! Berisha: Ka frikë nga unë

/r.k./Shqiptarja.com

TAG:
• sali berisha
• edi rama
• zgjedhja e presidentit te ri
• enkelejd alibeaj
• Kuvendi i Shqiperise