POP 5

Lajmet më të lexuara të 5 minutave të fundit

Kronikë

Raporti i BB-së, Ahmetaj: Fotografim i dëmeve momentale! Pagën e luftës e kanë marrë 64 mijë e 919 punonjës

Ministri i Rindërtimit, Arben Ahmetaj i ngarkuar me përgjegjësinë për menaxhimin e situatës së COVID-19, tha se raporti i publikuar nga Banka Botërore për varfërinë nuk është përfundimtar, por është një fotografim i dëmeve momentale nëse nuk merren masat. Sipas tij ata që e trajtojnë ndryshe këtë raport duan të dezinformojnë. 

Ministri i Rindërtimit, Arben Ahmetaj i ngarkuar me përgjegjësinë për menaxhimin e situatës së COVID-19, tha se raporti i publikuar nga Banka Botërore për varfërinë që mund të shkaktojë pandemia në vendet e Ballkanit Perëndimor apo konkretisht në Shqipëri, nuk është përfundimtar, por është një fotografim i dëmeve momentale nëse nuk merren masat.

“Ky raport nuk është një raport i situatë tradicionale ekonomike, dhe i ekonomisë tradicionale ekonomike, të Ballkanit Perëndimor apo i Shqipërisë, por është një fotografim i dëmeve të mundshme momentale nga COVID-19. Aty vlerësohet se shkalla e varfërisë në Shqipëri, mund të rritet me 4 deri në 8%, duke shkuar në rreth 40% në skenarin e parë, dhe në skenarin e dytë mund të shkojë në 44%, dhe ajo që paralajmëron Banka Botërore, i referohet vitit 2012. Atëherë nuk kishte krizë por keq-menaxhim të një qeverie të atëhershme që e zhyti vendin në varfërinë më të madhe historike”, tha Ahmetaj.

Sipas tij kush nuk e lexon kështu raportin ka synim jo informimin.

“Çdo aktor politik apo çdo fushe tjetër që e trajton ndryshe ose është joprofesional ose është i qëllimtë për të dezinformuar”, thotë ministri.

Ahmetaj shtoi se po punohet edhe për paketën e rimëkëmbjes, dhe solli në vëmendje edhe efektin aktual të paketave të miratuara.

“Nga paketa e parë kanë përfituar 64 mijë e 919 punonjës. Kanë marrë pagesën e paketës së dytë 111 mijë e 898 punonjës, në 34 mijë e 850 subjekte. Garancia sovrane, janë miratuar deri më sot 309 aplikime, me një vlerë rreth 40 milionë dollar, sa i takon instrumentit të parë të garancisë. Ndërsa për garancinë e dytë sapo ka nisur procesi”, shtoi Ahmetaj.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 01/06/2020 18:15

    Zoti Rama akoma me Ahnetajn vazhdon apo te ka hipnotizuar.Ky eshte strategu i madh i 1 billion euro investime te PPP .Hiqe se nuk merr vesh nga financat,nje mesues anglishte ishte .Do kimentoj ky parashikimet e BBoterore

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57