Shtetet e Bashkuara nxorën raportin vjetor të të drejtave të njeriut. Raporti që hartohet nga Departamenti i Shtetit rendit në kategorinë e vendeve “moralisht të dënueshme” Korenë e Veriut, Kinën, Rusinë dhe Iranin për shkak të dhunimit të vazhdueshëm që u bëjnë të drejtave të njeriut. Raporti për gjendjen e të drejtave të njeriut ghatë vitit 2017 përmend edhe përmirësime në disa vende, si p.sh. në Liberi, Uzbekistan dhe Meksikë.
Viti 2017 pati shkelje tronditëse të të drejtave të njeriut në shumë pjesë të botës. Sipas Sekretarit të Shtetit në detyrë, John Sullivan, vuajtjet e popullsisë Rohingya në Mianmar janë në krye të listës.
“Dënojmë pastrimin etnik të Rohingyave në Burma dhe mizoritë e bëra ndaj tyre. Po punojmë me partnerët për ta lehtësuar krizën. Mbi 670 mijë Rohingya janë zhvendosur drejt Bangladeshit gjatë muajve të fundit”, tha zoti Sullivan.
Zoti Sullivan veçoi gjithashtu Rusinë për abuzimet dhe sulmet, brenda dhe jashtë territorit të saj.
“Mbi të gjitha, qeveria ruse vazhdon të shtypë mendimin disident dhe shoqërinë civile, edhe kur është duke pushtuar vendet fqinje apo duke dëmtuar sovranitetin e vendeve perëndimore”, tha zoti Sullivan.
Raporti nuk mbulon situatën në Shtetet e Bashkuara, por disa gazetarë pyetën nëse dëmtohet kredibiliteti i SHBA-së nga sulmet e përsëritura verbale të Presidentit Donald Trump ndaj punonjësve të mediave. Ambasadori Michael Kozak mbrojti rolin e SHBA-së si promovuesja kryesore e të drejtave të njeriut në mbarë globin.
“Mendoj se raporti është i qartë për ato që ne i konsiderojmë kufizime të papërshtatshme ndaj lirisë së mediave. Siç i përmenda, janë shfrytëzimi i sistemit ligjor për të persekutuar punonjësit e mediave, përdorimi i forcës fizike ndaj tyre etj.; pra, nuk merremi me natyrën e debatit publik në një vend”, tha Ambasadori Michael Kozak.
Organizata e të drejtave të njeriut “Amnesty International” kritikoi ndryshimin e kapitullit të raportit për të drejtën e riprodhimit, duke fajësuar për këtë ndryshim “vlerësimin” që, sipas organizatës, ka administrata Trump për shkelës të mirënjohur të të drejtave të njeriut, si Arabia Saudite dhe Turqia. Realisht, në raport dokumentohen shkeljet e të drejtave të njeriut në Arabinë Saudite dhe në Turqi.
Lajme të tjera
-
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41 -
Blinken: SHBA ka pasur kontakte direkte me grupin HTS që përmbysi Assadin
14 Dhjetor, 21:25 -
DASH: Dhjetë shtetas të Kosovës ishin në kampet në Siri më 2023! Për 70 tjerë s’ka informacione
13 Dhjetor, 09:36 -
Altin Dumani kampion anti-korrupsion nga DASH, Lapardhaja në Report Tv: Mesazh për atë që do vijojë të bëjë politika amerikane! Priten shpallje të tjera 'non grata'
11 Dhjetor, 14:08 -
DASH e shpalli kampion kundër korrupsionit, ish-ambasadorja Kim takon dhe uron Dumanin! Uashingtoni: Rikonfirmim i mbështetjes ndaj Shqipërisë
10 Dhjetor, 16:39 -
Ambasadorja amerikane paralajmëron sërish zgjerimin e listës së zezë në Maqedoninë e Veriut
10 Dhjetor, 15:55 -
SHBA vlerëson kampionët kundër korrupsionit, DASH: Dumani dhe të tjerët po sjellin një botë më të drejtë dhe transparente
10 Dhjetor, 13:07 -
Çfarë kemi frikë në të vërtetë ne shqiptarët?
9 Dhjetor, 12:14
-
Gjykimi i krimeve në Kosovë, SHBA kritikon Serbinë: Ka shkelur detyrimet nga dialogu i Brukselit
31 Tetor, 15:55 -
Arrestimi i Metës, DASH: Mbështesim përpjekjet e SPAK kundër korrupsionit të nivelit të lartë
23 Tetor, 07:31 -
Si Rusia po përhap lajme të rreme në Ballkan?
23 Shtator, 10:41 -
SHBA dhe Serbia do të nënshkruajnë marrëveshje bashkëpunimi në fushën e energjisë
14 Shtator, 07:35
