Raporti i EUROSTAT/ Meta: Asnjë surprizë, Shqipëria vendi më i korruptuar, ka lënë pas vetëm Rusinë

Presidenti Ilir Meta ka reaguar pas raportit të EUROSTAT se Shqipëria rezulton vendi më i korruptuar, duke lënë pas vetëm Rusinë. Përmes një postimi në Facebook, Meta shkruan se kjo nuk ishte një surprizë, pasi korrupsioni me inceneratorët, e me PPT- do të sillte këtë rezultat.

Sipas tij, çlirimi i Shqipërisë nga korrupsioni është prioritet kombëtar.

“Një tjetër rekord i papranueshëm! Shqipëria rezulton vendi më i korruptuar në rajon dhe në Europë, duke lënë pas, sipas EUROSTAT, vetëm Rusinë. Asnjë surprizë!  Mungesa e llogaridhënies në çdo nivel vendor dhe qendror, abuzimet me fondet publike nëpërmjet inceneratorëve, koncensioneve dhe PPP-ve, si dhe një drejtësi nën kontrollin e pushtetit, natyrshëm që do të sillte këto rezultate.

LEXO EDHE:
Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek qytetarët, që në masë po detyrohen të braktisin Atdheun. Çlirimi i Shqipërisë nga korrupsioni dhe kapja e shtetit është sot interesi dhe prioriteti ynë kombëtar”, shkruan Meta.

Lajmi kryesor:

Raporti i Eurostat/ Shqipëria vendi më i korruptuar jashtë BE-së, lë pas vetëm Rusinë! Meta: Rekord i papranueshëm

SI.E./Shqiptarja.com

TAG:
• korrupsion
• eurostat
• Ilir Meta