Raporti i OKB-së për Covid19, PD: Në kulmin e pandemisë qeveria ul shpenzimet për shëndetësinë

Ish deputetja e Partisë Demokratike, Orjola Pampuri ka deklaruar se qeveria ka ulur shpenzimet për shëndetësinë.

Përmes një postimi në rrjetet sociale, Pampuri shkruan se pikërisht në kohën kur ka më shumë nevojë që të përmirësohet shërbimi, sipas saj kjo qeveri tallet me shëndetin e qytetarëve. Më tej ajo thotë se qeveria po vijon abuzimet si të ishim përballë një situate normale.

"Ne kulmin e pandemisë, përballe një sistemi shëndetësor me aq shume mangësi e probleme, qeveria ka luksin te ule shpenzimet për shendetësinë, pikeriksht ne kohen kur ka me shume nevoje qe te përmirësohet shërbimi, te shtohet numri i personelit shëndetësor, e te motivohen e mbështeten ata qe janë çdo dite ne krye te detyrës, te blihen aparatura e specifikisht për te përballuar pandeminë te alokohen fonde për blerjen e aparaturave ECMO, si dhe te anuloje koncesionet ne shëndetësi e te alokoje paratë për te përballuar krizën. Kjo qeveri vijon te beje shoë e te tallet me qytetaret e shëndetin e tyre, e duke vijuar abuzimet si te ishim përballe një situate normale", shkruan Pampuri.

B.K./Shqiptarja.com

TAG:
• edi rama
• PD
• orjola pampuri
• koronavirusi
• koronavirusi ne shqiperi