POP 5

Lajmet më të lexuara të 5 minutave të fundit

Kronikë

Raporti i SHKB-së 2015: 119 raste
 korrupsioni u goditën në Polici
PDF - Raporti i plotë i SHÇBA-së

Gjatë vitit të kaluar, Shërbimi i Çështjeve të Brendshme dhe Ankesave, ka hetuar 243 raste të punonjësve të strukturave në varësi të Ministrisë së Brendshme, të dyshuar si të përfshirë në veprime kriminale apo në kushtet e shkeljes dhe shpërdorimit të detyrës. Nga këto, Shërbimi i Brendshëm, ka proceduar në 2015, 119 punonjës për veprime korruptive.  VIDEO
Gjatë vitit të kaluar, Shërbimi i Çështjeve të Brendshme dhe Ankesave, ka hetuar 243 raste të punonjësve të strukturave në varësi të Ministrisë së Brendshme, të dyshuar si të përfshirë në veprime kriminale apo në kushtet e shkeljes dhe shpërdorimit të detyrës. Ky fakt u bë i ditur gjatë analizës vjetore të Shërbimit të Çështjeve të Brendshme, zhvilluar të mërkurën me dyer të mbyllura.

Sipas raportit korrupsioni, gjatë vitit të kaluar objektiv ka qenë goditja e korrupsionit në Polici. Shërbimi i Brendshëm, ka proceduar në 2015, 119 punonjës për veprime korruptive. Raporti po ashtu shton se favorizimi apo implikimi në veprimtari të kundraligjshme si: kultivimi i bimëve narkotike; trafiku i drogës, trafiku i qenieve njerëzore, kontrabandës, konkurrenca e pandershme etj, me synim marrjen e një ryshfeti, kanë qenë objekt i punës së Shërbimit të çështjeve të brendshme. 

Nga këta punonjës dy janë punonjës të nivelit të mesëm drejtues të Policisë së Shtetit. Po ashtu janë referuar në prokuroritë e rretheve gjyqësore 189 kallëzime penale për, 57 punonjës policie të nivelit të parë drejtues, 174 punonjës policie të nivelit zbatues. Në këto kallëzime 6 të denoncuar kanë qenë 6 punonjës policie, civilë, 3 efektivë të Gardës së Republikës, punonjës i Policisë së Mbrojtjes ndaj Zjarrit, si dhe 36 persona, jashtë strukturave të Ministrisë së Brendshme dhe Policisë. 

Ndër rastet e hetuara, në raport përmendet arrestimi i 75 personave, 51 punonjës policie. Raporti vjetor tregon goditjen e disa grupeve kriminale në kultivimin dhe trafikimin e lëndëve narkotike, në të cilët kanë qenë të përfshirë edhe disa punonjës policie. Ndër ta është arrestimi i oficerit të policisë së Kukësit, Hamëz Demushi, i akuzuar për trafik droge dhe i disa rasteve të kultivimit të kanabisit me sera. /Report TV/

Redaksia Online
(u.s/shqiptarja.com)

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53