Raporti i TI, Basha: Korrupsioni i qeverisë po kalb Shqipërinë

Raporti i TI, Basha: Korrupsioni i qeverisë po kalb Shqipërinë

TIRANË - Kryetari i Partisë Demokratike Lulzim Basha ka reaguar në lidhje me raportin që ka publikuar Transparency Internacional, sipas të cilit Shqipëria ka përkeqësim të gjendjes së korrupsionit. Sipas Bashës, ky është rezultat i korrupsionit të qeverisë e cila po shkatërron ekonominë.

Sipas Bashës paketa ligjore anti-shpifje i duhet Kryeministrit për të penguar, sipas tij, publikimin e korrupsionit masiv që po përmbyt Shqipërinë.

Reagimi i kreut të PD Lulzim Basha:

"Kryetari i PD, Lulzim Basha reagon pas publikimit te Raportit te Transparency International: Shqipëria po pëson një përkeqësim dramatik të gjendjes së korrupsionit duke zbritur edhe 7 vende. Korrupsioni i qeverise po shkatërron ekonominë.

Degradimi i skajshëm dhe kriminalizimi kapilar i qeverisjes Rama, është një realitet i hidhur që provohet qartë nga raportet më të besueshme profesionale të organizatave prestigjioze ndërkombëtare sikurse është Transparency International. Korrupsioni i kësaj qeverie po shkatërron ekonominë dhe po na kalb atdheun.

Sipas Indeksit të Perceptimit të Korrupsionit të realizuar nga kjo organizatë, për shkak të qeverisjes aktuale, Shqipëria po pëson një përkeqësim dramatik të gjendjes së korrupsionit duke zbritur edhe 7 vende të tjera vetëm gjatë vitit të fundit.

Në mesin e 180 shteteve të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia.

Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kemi gjetur Altin Lalën e ri', kush është lojtari që debutoi me Kombëtaren U-21 dhe u vlerësua nga trajneri

'Kemi gjetur Altin Lalën e ri', kush është lojtari që debutoi me Kombëtaren U-21 dhe u vlerësua nga trajneri