Komisioni për shkarkimin e Metës njihet me raportin e Venecias dhe dokumentin e SHISH: Jemi drejt fundit

TIRANE-Komisioni i Posaçëm Hetimor për shkarkimin e Presidentit Ilir Meta zhvilloi sot mbledhjen e radhës. Komisioni administroi raportin e Komisionit të Venecias, që theksonte se Meta tejkaloi kompetencat, por shkelja nuk është aq e rëndë sa Presidenti të shkarkohet. Gjithashtu u shqyrtua edhe raporti sekret nga SHISH, ku kreu i shtetit deklaroi se u bazua për të anuluar me dekret zgjedhjet e 30 Qershorit. 

Mbledhja ku anëtarët u njohën me dokumentin e SHISH-it u zhvillua me dyer të mbyllura për shkak të informacionit të klasifikuar. Nënkryetari i Komisionit Hetimor, Alban Zeneli u shpreh se tashmë ka ardhur koha që të merret një vendim duke qenë se të gjitha informacionet për veprimet e Metës janë mbi tryezë.

I të njëjtit mendim ishte edhe kryetari Ulsi Manja. "Ne jemi drejt fundit" tha ai. Ndërkohë që nuk u mor asnjë vendim mbi shtyrjen e afatit të këtij komisioni. Në përfundim mbledhja është mbyllur pa një vendim, teksa e radhës është vendosur në datë 5 dhjetor. 

Rendit zhvillimet sipas orarit:
Ora 11:32
Komisoni Hetimor për Metën: Nënkryetari, Alban Zeneli: Të merret vendimi që sot...po kërkoni kohë për pazare

Nënkryetari i Komisionit Hetimor, Alban Zeneli duke folur në Komisionin e Hetimor për Metën, në mbledhjen e ditës së sotme, ka deklaruar se tashmë ka ardhur koha që të merret një vendim duke qenë se të gjitha informacionet për veprimet e Metës janë mbi tryezë.

Zeneli ka hedhur akuza duke thënë se mazhoranca po kërkon kohë për zgjatjen e hetimeve për të bërë pazare.

Zeneli: Mund të rishikojmë që sot. Të jepet një mendim i prerë, nëse e ka shkelur apo nuk e ka shkelur Meta Kushtetutën. Rama duhet të dal para shqiptarëve e të thotë e ka shkelur apo jo Meta kushtetutën. Por ju po kërkoni Kohë. Të merren në shqyrtim të gjithë informacionet e të dilet në një vendim.

Manja: Bashkohem me mendimin tënd. Ne jemi drejt fundit. Alimadhi më tha se duhet të njihemi me vendimin. Do të jetë një kohë e shkurtër.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

'Radio France': Shqipëria, destinacioni turistik në trend dhe i lirë

'Radio France': Shqipëria, destinacioni turistik në trend dhe i lirë