GOLAT/ Real Madridi fiton mes polemikash, Perez përplaset me tifozët! Girona merr një pikë shprese, Mallorca drejt rrëzimit nga La Liga

Ujërat në Madrid po trazohen gjithnjë e më shumë. Pas sherrit mes Valverdes dhe Tchouameni, tifozët kanë 'shpërthyer' në ndeshjen e fundit në shtëpi duke fërshëllyer futbollistët dhe duke treguar pankarta kundër presidentit Florentino Perez.

Si të mos mjaftonin këto, një përplasje mediatike ndodhi së fundmi mes sulmuesit Kylian Mbappe dhe trajnerit Alvaro Arbeloa. Francezi nuk u zgjodh si titullar në ndeshjen e Real Madridit kundër Oviedo të enjten.

Mbappe u shpreh se trajneri i kishte thënë se e konsideronte atë zgjedhjen e katërt për pozicionin e sulmuesit. Arbeloa u duk i befasuar nga fjalët e Mbappe dhe pretendoi se nuk i kishte thënë kurrë diçka të tillë.

"Jam mirë," tha Mbappe. "Nuk luajta sepse trajneri më tha se jam sulmuesi i katërt në skuadër, pas Mastantuonos, Vinícius dhe Gonzalos. E pranoj këtë. Isha gati të luaja si titullar; ishte vendimi i tij. Nuk mund të zemërohesh me trajnerin; gjithmonë duhet të respektosh vendimet e tij. Do të vazhdoj të punoj shumë dhe do të pres radhën time për të filluar përsëri."

"Nuk kam katër sulmues dhe nuk i thashë asgjë të tillë Mbappesë," mohoi Arbeloa. "Ai ndoshta nuk më kuptoi. Vërtet nuk di çfarë të them. Sigurisht që nuk do t'i thoja se është sulmuesi i katërt."

Mbappe u fërshëllye nga tifozët në 'Bernabeu' pasi zëvendësoi Garcian në minutën e 68-të. Ai dha asistin për golin e Jude Bellingham në minutën e 79-të, i cili vulosi fitoren 2-0 të Real Madridit. Ylli francez ishte kritikuar nga disa tifozë që pretendonin se ai po e ruante veten për Kupën e Botës.

Asnjë trofe këtë sezon ka bërë që Real Madridi të jetë në 'luftë të hapur' me tifozët. Në ndeshjen e fundit në 'Bernabeu', ultrasit e klubit kanë shpalosur pankarta kundër presidentit Florentino Perez i cili dy ditë më parë nuk pranoi të dorëhiqej. Ai ka debatuar me disa tifozë në stadium, ndërsa janë parë pankarta që i kanë kërkuar largimin, mesazhe që u larguan nga siguria.

Një tjetër moment jo i qetë në fitoren kundër Oviedos ishte në minutën e 69-të, me tifozët që fërshëllyen futjen në fushë të Kylian Mbappe.

Në 'Bernabeu', Real Madridi fitoi 2-0 kundër Real Oviedos në një ndeshje që nisi me polemika. Tifozët fërshëllyen futbollistët, me emrin e Kylian Mbappe që ishte më i kontenstuari. Nuk munguan as debatet mes presidentit Florentino Perez dhe tifozëve që ishin në tribunën kryesore të 'Bernabeut'. Madje siguria e stadiumit largoi çdo banderolë kundër Perez. Përplasjet në ekip dhe asnjë titull këtë sezon kanë bërë që tifozët e 'Galaktikëve' mos jenë të kënaqur me ekipin. Golat për djemtë e Alvaro Arbeloas u shënuan nga Gonzalo Garcia dhe Jude Bellingham.