Reçel kumbullash nga zonja Albana

Reçel kumbullash

Përbërësit:

• 1 kg kumbulla
• 500 gr sheqer
• 2 lugë rum

Përgatitja:

Kumbullat lahen, largohen bërthamat, pastaj rradhiten në tenxhere, hidhet sheqer dhe ashtu qëndrojnë tërë natën. Të nesërmen i vendosim të ziejnë në zjarr të fuqishëm duke i përzier vazhdimisht (reçeli është i zier kur bie pjesë pjesë nga luga). Në fund, sipas dëshirës mund të hedhim pak rum. Reçelin e hedhim në kavanoz të nxehtë, pastaj e mbyllim me cellofan të dyfishuar. Ky është një variant i përgatitjes, por ka dhe një mënyrë tjetër nëse do të përgatisim një masë më të madhe. Kumbullat e pjekura i lajmë, i kullojmë dhe pastrojmë nga bërthamat. I vendosim në tenxhere të gjerë dhe i futim në furrë të nxehtë, ose mbi sobë i ziejmë duke i përzier kohë pas kohe derisa të trashet masa. Në fund të zierjes hedhim sheqer në raport 5 kg kumbulla të ziera : 1 kg sheqer. Sipas dëshirës mund t'i hedhim më tepër sheqer. I lëmë të ziejnë për rreth 1 orë e gjysmë. Pasi është gati, reçelin e nxehtë  e hedhim në kavanoz të nxehtë.

MC/Shqiptarja.com

TAG:
• zonjaalbana
• reçel kumbullash
• shije