POP 5

Lajmet më të lexuara të 5 minutave të fundit

Arkiva

Reforma territoriale, Çuçi: I jep fund katrahurës në pushtetin vendo

Në përditësim- TIRANË, 31 Korrik/ATSH/.- Kuvendi i Shqipërisë ka nisur diskutimin e projektit për reformën territoriale, që propozon ndarjen e re administrative të vendit në 61 bashki. Në hapje të debatit, ministri i Shtetit për Çështjet Vendore, Bledi Çuçi tha se reforma i jep fund katrahurës së deritanishme në pushtetin vendor, i organizuar në 373 […]
Kuvendi i Shqipërisë ka nisur diskutimin e projektit për reformën territoriale, që propozon ndarjen e re administrative të vendit në 61 bashki. Në hapje të debatit, ministri i Shtetit për Çështjet Vendore, Bledi Çuçi tha se reforma i jep fund katrahurës së deritanishme në pushtetin vendor, i organizuar në 373 njësi.

Kjo reformë, është ndër të paktat reforma shtetformuese nga e cila përfitojnë të gjithë qytetarët, pavarësisht vendit ku ata banojnë. Krijimi i njësive më të mëdha vendore, tha ministri Çuçi, do të ofrojë shërbime publike më të efektshme dhe me kosto më të ulëta, ndërsa vetë njësitë do të mbledhin më shumë të ardhura dhe do të kenë më shumë burime financiare për t'i çuar në investime.

Ministri tha se përllogaritjet e ekspertëve konstatojnë se krijimi i njësive më të mëdha vendore do të sjellë një përfitim nga 3-6 miliardë lekë për shkak të menazhimit efikas të shpenzimeve për personelin dhe atyre operative.
Çuçi e konsideroi reformën e re një hap strategjik në punën e qeverisë që do t'i japë frymëmarrje të re zhvillimit ekonomik e shoqëror në Shqipëri.

Para nisjes së debatit për pr/ligjin e ndarjes së re administrative mësohet se në parlament janë depozituar tre amendamente, të propozuara nga deputeti i PS-së, Andrea Marto, nga grupi i PDIU-së, dhe nga deputeti i PBDNJ-së, Vangjel Dule, nënkryetar i Kuvendit.

Amendamenti i deputetit Marto propozon që fshatrat Kardhikaq, Pecë dhe Muzinë t'i bashkohen Bashkisë Livadhja . Amendamenti i PDIU-së propozon që fshatrat Vagalat, Sopik dhe Pandelejmon t'i kalojnë Bashkisë Livadhja, ndërsa amendamenti i deputetit Dule propozon që bashkia Himarë të mos bashkohet me Vranishtin.

Ndërsa kryetari i Partisë për Drejtësi Integrim e Unitet, Shpëtim Idrizi, theksoi se "deri në momentin e fundit dy partitë e mëdha politike nuk e gjetën konsensusin. Për ne është e papranueshme, jo pozitive që edhe sot në vend të kulturës së konsensusit po bëjnë shfaqjen e radhës së refuzimit të bashkëpunimit mes dy forcave të mëdha politike PD dhe PS".

"Harta që ka bërë grupi i punës së PDIU-së, nuk pati mundësi të bëhej publike , sepse ne mendojmë se harta e re territoriale është hartuar nga dy forcat e mëdha politike dhe ato kanë përgjegjësinë e madhe. Gjatë këtyre ditëve ne kemi dëgjuar ankesa e protesta, ide e kundër ide, dëshira për t'u bashkuar apo mos t'u bashkuar", nënvizoi Idrizi, duke shtuar se të gjitha këto përvecse legjitime mund të jenë edhe të drejta.
Kreu i PDIU-së, Idrizi u shpreh se "është një mëkat që partitë më të mëdha politike në vend nuk e gjetën dot konsensusin për një reformë kaq të rëndësishme për të ardhmen e vendit".
Ndërkohë, seanca po vijon me diskutimin e deputetit të Partisë Demokristiane, Nard Ndoka, përfaqësues i opozitës, e cila prej tre javësh vijon të bojkotojë punimet e Kuvendit. /ATSH/

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19