POP 5

Lajmet më të lexuara të 5 minutave të fundit

Politikë

Lajme nga emisionet

Reforma territoriale, Denaj në ‘Kontrast’: PS nuk është dakord me shtimin e bashkive! Vangjeli: Shqipëria e vogël për t’u ndarë në principata

Partia Socialiste është e qartë në qëndrimin e saj sa i përket reformës territoriale. Bashkëkryetarja e Komisionit të Reformës Territoriale, Anila Denaj tha në emisionin Kontrast në Report Tv se nuk janë për shtim të numrit të bashkive dhe kjo sipas saj ka dalë në pah edhe gjatë dëgjesave me ekspertët.

TIRANË- Partia Socialiste është e qartë në qëndrimin e saj sa i përket reformës territoriale. Bashkëkryetarja e Komisionit të Reformës Territoriale, Anila Denaj tha në emisionin Kontrast në Report Tv se nuk janë për shtim të numrit të bashkive dhe kjo sipas saj ka dalë në pah edhe gjatë dëgjesave me ekspertët. Në një intervistë për gazetarët Denis Minga dhe Lorenc Vangjeli, denaj shprehet se vetë ajo është për të ulur numrin e bashkive.

"Nuk kemi folur për numra. Pas shumë dëgjesave dhe reagimit të PD, secilës anë të PD që erdhën me shifra të ndryshme, por rreth të njëjtit numër të inflacionuar në gjykimin e maxhorancës, mbi 90. Në reagim të këtyre ofertave, por jo formalisht sepse nuk kemi parë raportin e ekspertëve të opozitës. Ne si maxhorancë nuk kemi reaguar për numrat konkretë, por kemi dëgjuar një numër të madh ekspertësh të cilët si ata që përfaqësojnë shoqërinë civile, edhe pjesa e botës akademike, edhe grupe të ndryshme minoriteti. Kemi dëgjuar 240 dëgjesa dhe ka dal e qartë që numri i madh i ofruar në tavolinë nuk është alternativa për një vijim të suksesit të reformës territoriale të 2015. Ne gjykojmë që duhet të qëndrojë kështu siç është, por mbetemi për të parë punën e ekspertëve të maxhorancëves. Unë si financiare them më pak bashki më mirë, se ekonomia e shkallës vlen edhe në këtë rast", u shpreh Denaj.

Denaj shpejgoi edhe përse PS këmbëngul që të mos shtojnë numrin e bashkive, ashtu siç kërkon opozita. Sipas saj, problematikat që ka shfaqur reforma territoriale nuk kanë përse të zgjidhen me shtim të numrit të bashkive, pasi problemi qëndron tek zbatimi i reformës nga pushteti vendor. Denaj tha se këto problematika zgjidhen me akte juridike ose me strategjinë e decentralizmit, nuk ka përse të ‘copëtohet vendi’.

"Ekspertë e opozitës vijnë në prezantim me datë 30, ne në javën pasardhëse.  Shumë nga problematikat që u shfaqën në dëgjesa, është e padiksutueshme që ka problematika. Nuk do të thotë që reforma s’ka qenë e domosdoshme dhe s’ka kryer misonin. Problematikat sis rezultat i mënyrës sesi zbatohet në praktikë nga pushtet vendor, janë legjitime, por nuk adresohen me shtimin e bashkive. Mazhoranca thotë se problematikat zgjidhen me akte juridike, me rekomandime në strategjinë e decentralizmit. Përse duhet të kërkojmë dritare të tjera kur ekzistojnë. Pse duhet ta copëtojmë më shumë territorin duke rënduar mbi bashkitë, në atë që është thelbi, e ardhura”, tha Denaj.

Ndërkohë analisti Lorenc Vangjeli thotë se Shqipëria nuk duhet të ndahet në bashki të tjera, pasi ka një sipërfaqe të vogël. Ai thotë se opozita këmbëngul në shtimin e numrit të bashkive për efekt elektoral.

“Shqipëria është  e vogël për tu ndër pafundësisht në principate. Është maxhoranca që ka detyrën për të gjetur paratë. Politika ndërhyn këtu se ende nuk ka ndarë mendjen se cila është filozofia për të bërë ndarjen. Pala tjetër ka flamurin e populizmit, i cili mbetet emblemantik, edhe në shprehjen që për një certifikatë do zbresë malësori për në qytet. Thelbi qëndron gjetkë, socialistët të detyruar nga lapsi ekonomisë, shtuar nga bindja e tyre për epërsinë territoriale, janë të bindur që duhet një numër edhe më i vogël se 61 bashki. Përballë tyre, ata të cilët nuk kanë probleme me financimin, ti gjejë shteti thonë, duke luajtur me teorinë shifrave shkojnë deri tek 100, për një arsye të thejshtë. Në rastin e parë socialistët besojnë se mund të marrin 20 përballë 10 të kundërshtarëve të tyre. Në rast se do ishin 100, do ishin 65 me 35. Kjo në teori do dukej sikur afronte një barazi, është iluzioni. Do ishte e udhës të ndahej në 4 apo 5 rajone dhe decentralizmi të vinte deri në qelizën e shoqërisë për të afruar shërbimet te qytetari, për ti dhënë akses të shërbimet, por edhe pikën e kontaktit që ka me shtetin. Dy janë, vota dhe taksat”, u shpreh Vangjeli.

Sa i takon opozitës, demokratët e Berishës kërkojnë shtimin e 34 bashkive, e ndërsa grupimi Alibeaj në draftin e tyre të reformës territoriale, propozuan hartë të re me 92 bashki dhe 6 rajone. 

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gano: 26/09/2022 19:40

    Denaj person butak pa pike personaliteti dhe morali. Prandaj eshte aty ku eshte

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35