Reforma territoriale, Qeveria dërgon në Kuvend variantin me 61 bashki

TIRANË, 22 Korrik /ATSH- I. Vata/-Ministri i Shtetit për Çështjet Vendore, Bledi Çuçi deklaroi sot se qeveria i përcolli Kuvendit për miratim hartën e re administrative me 61 bashki.
Ministri sqaroi se "Këshilli i Ministrave do të dërgojë në Kuvend të gjitha materialet shoqëruese që lidhen me hartën e re, përfshirë këtu  dhe dokumentacionin e plotë me proçesin e konsultimeve për reformën territoriale".
Ai tha se "kjo ishte një punë kolosale dhe se tashmë qeveria është gati tia dorëzojë Kuvendit  p?r të vijuar me proçesin e vendimarrjes".
I pyetur për çështjen e Himarës, ministri Çuçi se "Himara është një nga 58 zonat funksionale që janë krijuar në Shqipëri dhe se ajo i përket Shqipërisë".
"Himara është një nga 58 zonat funksionale që janë krijuar në Shqipëri. Për ne Himara është pjesë e Shqipërisë, përvec 3 zonave minoritare që për shkak të kritereve që ne kemi vendosur kemi ruajtur përkatësinë minoritare. Himara është krijuar për të krijuar një funksionalitet si bashki e ardhshme", sqaroi Ministri.
Komisioni i Posaçëm Parlamentar për Reformën Administrativo-Territoriale pak ditë më parë miratoi hartën përfundimtare të ndarjes se re territoriale me 61 bashki. Pasi shqyrtoi mendimet dhe opinionet e shprehura nga organet e njësive të qeverisjes vendore si dhe propozimin e Partisë për Drejtësi, Integrim dhe Unitet (PDIU), Komisioni Parlamentar i shtoi 14 bashki të reja variantit me 47 njësi vendore, miratuar dy muaj më parë për konsultim.
Bashkitë që i janë shtuar variantit me 47 njësi vendore janë, Fushë - Arrëz, Klos, Vorë, Rrogozhinë, Belsh, Prrenjas, Roskovec, Ura Vajgurore, Poliçan, Selenicë, Konispol, Memaliaj, Këlcyrë dhe Libohovë./a.g/

/Shqiptarja.com