Sali Berisha refuzon dorëheqjen dhe largimin nga selia blu pas humbjes katastrofike në zgjedhjet e lokale të 14 majit, ku arriti të fitonte vetëm në 7 bashki nga 61 gjithsej, 8 bashki më pak se sa Lulzim Basha në vitin 2015. “Kurrë nuk tërhiqem para bandave të krimit shtetëror dhe jo shtetëror. Shkodra është shembulli më i shëmtuar në të cilën u votua si në rrethim nga banda të Edi Ramës”, tha Berisha. Një qëndrim pothuajse të njëjtë ka mbajtur edhe aleati i tij, Ilir Meta, të cilit Berisha sot e akuzoi për humbjen, për shkak të emrit të tij në fletën e votimit.
Por që Sali Berisha të qëndrojë në krye të Foltores apo Rithemelimit, grup politik që pretendon se përfaqëson Partinë Demokratike, duhet që të kalojë në një proces votëbesimi në Këshillin Kombëtar të Partisë Demokratike që drejton, edhe pse nuk njihet si e tillë nga gjykata, pasi deri në një vendim të formës së prerë, si PD zyrtare njihet partia me në krye Enkelejd Alibeajn. Pika 9 e nenit 46 të statutit të Foltores, miratuar në Kuvendin Kombëtar të dhjetorit 2021 në stadiumin ‘Air Albania’, parashikon që kryetari i partisë, pas zgjedhjeve vendore, duhet të votëbesohet në Këshillin Kombëtar.
Që kryetari i partisë, në rastin konkret Sali Berisha, të quhet i votëbesuar, duhet që të votojnë pro tij jo më pak se 70 % të anëtarëve të Këshillit Kombëtar që marrin pjesë në votim. Në statutin e Foltores dhe Rithemelimit nuk parashikohet asnjë alibi apo pretendim për mundësinë e deformimit të zgjedhjeve. Mbetet për t’u parë nëse Sali Berisha do t’a zbatojë këtë pikë të statutit, të cilën Berisha e ka miratuar vetë.
Me qëllim për të larguar Lulzim Bashën dhe për të marrë vetë drejtimin e PD-së pasi Basha e përjashtoi nga partia, Sali Berisha miratoi rregulla të forta në statutin e PD-së, për përgjegjësinë e kryetarit në rast se partia humbet zgjedhjet. Në statut u vendos që kryetari i PD-së jep dorëheqjen e menjëhershme dhe nuk ka të drejtë të rikandidojë për drejtimin e partisë, nëse humbet zgjedhjet e përgjithshme. Nëse humbet zgjedhjet lokale, duhet të votëbesohet.
Sali Berisha e shkarkoi Lulzim Bashën 7 muaj pasi PD-ja humbi zgjedhjet parlamentare të 25 prillit 2021, edhe pse Basha ishte rizgjedhur me votë kryetar dhe ashtu si Berisha, u justifikua se i kishin vjedhur zgjedhjet. Dhe rezultati i PD-së në 2021 nuk mund të krahasohet me rezultatin shkatërrues të Berishës në 14 maj 2023.
Statuti i Berishës
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
