Për herë të parë, regjistrimi për në klasë të parë do të bëhet online përmes portalit e-albania. Drejtoresha e këtij portali, Nevila Repishti thotë se procedura zgjat vetëm 1 minutë dhe aplikimet janë deri më datë 30 qershor.
“Procedura e regjistrimit online nëpërmjet portalit e-albania ka nisur që nga data 15 qershor dhe për herë të parë realizohet për vitin e ri shkollor 2021-2022. Procedura është shumë e thjeshtë, aplikimi nuk zgjatë më shumë se 1 minutë. Deri tani numërohen mbi 3 mijë aplikime të realizuara”, tha Nevila Repishti, drejtore e portalit e-albania, AKSHI.
Përmes portalit, prindi apo kujdestari ligjor duhet të saktësoj vetëm të dhënat e adresës pa u nevojitur dokumente shtesë.
“Mjafton që çdo person që ushtron përgjegjësinë prindërore çka do të thotë prindi ose kujdestari ligjor të aksesojnë portalin e-albania nëpërmjet llogarisë së tyre si qytetarë dhe të saktësojë të dhënat e adresës së vendbanimit, bashkinë, njësinë administrative, rrugën dhe më pas të përzgjedhin institucionin arsimor që ju sugjerohet automatikisht nga sistemi sipas shpërndarjes territoriale të bërë nga bashkitë dhe ministria e arsimit, e cila ndërlidh adresën e vendbanimit të aplikantit që kryen procesin e regjistrimit me institucionet arsimore që mbulojnë zonën e vendbanimit”-shpjegoi drejtoresha e portalit e-albania.
Regjistrimi online do të bëhet vetëm në 182 shkolla publike të vendit. Prindërit do të njoftohen për përgjigjen deri më 10 korrik.
“Ky proces që ka nisur që nga data 15 qershor dhe sipas udhëzimit të ministrisë së arsimit do të vijojnë aplikimet deri më 30 qershor të këtij viti, realizohet vetëm online në 182 shkolla publike bazë të arsimit parauniversitar të vendosura në bashkitë qendrore të 12 qarqeve në Republikën e Shqipërisë. Të gjithë prindërit do të njoftohen elektronikisht lidhur me aplikimet e bëra nga data 3 korrik deri më datën 10 korrik lidhur me miratimin apo refuzimin e tyre”, tha ndër të tjera Repishti.
Aplikimi në mënyrë elektronike shmang regjistrimin e fëmijëve në shkollat preferenciale që nuk i përkasin zonës së banimit.
Lajme të tjera
-
Diplomat elektronike të Maturës, mbi 25 mijë maturantë e përfituan online tek e-Albania
14 Gusht, 16:12 -
‘Bie’ kufiri me Kosovën, leja e kalimit vetëm online tek e-Albania
13 Qershor, 12:23 -
Kartelat dhe rezervimi për kryerjen e vaksinave për fëmijët 0-7 vjeç do bëhen online në e-Albania
11 Qershor, 16:41 -
e-Albania: Ja çfarë ka ndryshuar në identifikimin dhe hyrjen në llogarinë tuaj në portal
8 Shkurt, 14:22 -
'E-Albania' jashtë funksionit për 2 ditët e ardhshme, AKSHI: Do të ketë ndërprerje të shkurtër të shërbimeve online, në kuadër të proceseve për përmirësimin e tyre
1 Shkurt, 16:22 -
'Koha të merremi vesh qartë!' Rama kritik ndaj bankave: Ulni transaksionet në cash! Digitalizoni sa më të shpejt sistemin
1 Shkurt, 11:26 -
Kumbaro: Aplikimet për menaxhimin e stacioneve të plazhit të hapura në e-Albania deri në 6 dhjetor
3 Dhjetor 2023, 13:48 -
Ministria e Brendshme njoftim për shtetasit e huaj: Pajisja dhe rinovimi i lejeve të qëndrimit do të bëhet përkohësisht nga e-Albania
17 Tetor 2023, 16:42 -
Samiti i Ballkanit Perëndimor, vlerëson e- Albania, si rast suksesi në rajon
5 Tetor 2023, 16:47 -
Shërbimet e Kadastrës në e-Albania, Rama: Noterët e ‘hienat’ janë bërë nervozë, s’ka më korrupsion
23 Gusht 2023, 13:24 -
Regjistrimet e klasave të para dhe të 10, nga 21 gushti deri më 1 shtator faza e dytë e aplikimeve! Procedura zgjat vetëm pak minuta
14 Gusht 2023, 21:54 -
Hapen regjistrimet online për klasën e dhjetë. Risia për arsimin parauniversitar: dëftesa me vulë elektronike
7 Korrik 2023, 18:45
