POP 5

Lajmet më të lexuara të 5 minutave të fundit

Bota

Regjistroi vdekjen në orën e tij? Shefi i OKB-së kërkon të vërtetën mbi zhdukjen e gazetarit saudit

Shefi i OKB-së ka kërkuar që të zbardhet e vërteta mbi zhdukjen e gazetarit saudit, Jamal Khashoggi. E fejuara  etij ka deklaruar se ai ka pasur një orë apple në dorë, e cila mund të ketë regjistruar gjithçka.

Regjistroi vdekjen në orën e tij? Shefi i OKB-së kërkon të vërtetën mbi zhdukjen e gazetarit saudit

Sekretari i Përgjithshëm i OKB-së, Antonio Gutierres

Zhdukja e gazetarit saudit Jamal Khashoggi, vijon të mbetet një temë delikate në mediat ndërkombëtare. Kreu i Kombeve të Bashkuara ka kërkuar të zbardhet e vërteta mbi zhdukjen e tij, pas hyrjes në ambasadën arabe në Stamboll. “Kam frikë se zhdukje të tilla do të ndodhnin më shpesh dhe do të bëhen si gjëra normale,”- u shpreh Sekretari i Përgjithshëm Antonio Gutierres për BBC-në.

Ministri i Brendshëm, Princi Abdulaziz bin Saud bin Naif bin Abdulaziz tha se mbretëria ishte gjithashtu e gatshme të zbulonte të gjithë të vërtetën. BBC shkruan gjithashtu se sipas një burimi të sigurisë turke zyrtarët kishin prova audio dhe video që dëshmonin se Khashoggi u vra brenda ambasadës.

“The Guardian” shkruan se: “Arabia Saudite ka qenë nën presion për të shpjeguar se çfarë ka ndodhur me Khashoggi pasi hyri në ndërtesën e konsullatës në orën 14.14 të datës 2 tetor. Turqia ka pohuar se gazetari dhe kritiku në azil i princit të kurorës Mohammed bin Salman u vra nga një skuadër elitë e dërguar nga Riad. Autoritetet në Stamboll kanë lënë të kuptohet se mbajnë prova të pazbuluara që vërtetojnë se çfarë ndodhi.”

E fejuara e Khashoggi-t është shprehur për Associated Press të premten se ai kishte veshur një orë Apple kur hyri në ambasadë dhe hetuesit po shqyrtonin celularët e tij, të cilat ai kishte lënë me të, kështu që gazetari i zhdukur mund të ketë regjistruar vdekjen e tij në orën e tij Apple.

“Ai e futi atë në funksionin e regjistrimit përpara se të hynte në ambasadën e Arabisë Saudite në Stamboll më 2 tetor. Pastaj “marrja në pyetje, tortura dhe vrasja e tij u regjistrua në audio dhe u dërgua në telefon dhe në iCloud. Sulmuesit e tij u përpoqën të hynin në orë me shumë përpjekje por të dështuara për fjalëkalimin përpara se të përdorin gjurmët e gishtave për ta zhbllokuar dhe fshirë disa regjistrime,”- shkruan gazeta turke Sabah.

Jamal Khashoggi, një kritik i qeverisë saudite, u zhduk më datë 2 tetor pasi vizitoi ambasadën arabe në Stamboll.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça