Ëndrra e Shqipërisë për rezultat pozitiv kundër Anglisë ka zgjatur vetëm 38 minuta. Kuqezinjtë e drejtuar nga Edy Reja në ‘Air Albania’ janë mposhtur pastër 0-2 në ndeshjen e dytë të vlefshme për kualifikueset e Botërorit ‘Katar 2022’.
Për t’u theksuar se rastin e parë për gol e pati kombëtarja kuqezi me Myrto Uzunin, por beratasi në minutën e 13 u tregua i pasaktë kundër portierit Pope. Në vijim Shqipëria u vendos mirë në fushë dhe lejoi fare pak hapësira, por një shpërqëndrim në minutën e 38 solli golin që zhbllokoi shifrat. Harry Kane tregoi se i mjafton gjysmë rasti për të dërguar topin në rrjetë.
Në pjesën e dytë Reja bëri disa zëvendësime, por një gabim i Gjimshitit, që deri në atë momente ishte më i miri, solli golin e Mount në minutën e 63. Nga ky moment Anglia vetëm administroi dhe mori tre pikë që e mbajnë në vendin e parë edhe pas ndeshjes së dytë ne grupin I.
Ndërkohë në përfundim të ndeshjes trajneri Reja ishte i keqardhur për mënyrën se si shkoi loja.
“Ne e kishim përgatitur sfidën për t’i hapur probleme Anglisë, por nuk na e eci loja në fushë. Në pjesën e parë Anglia bëri vetëm një gjuatje në portë, ndërsa ne u paraqitëm mirë, pasi strategjia ishte ta godisnim në kundërsulm. Për fatin e keq Uzuni nuk shënoi sepse mund të kishte ndryshuar rrjedhën e ndeshjes.”
Por futbollistët e Kombëtares mbeten gjithnjë unikë në përcjelljen e mesazheve, pasi ashtu siç ndodhi edhe gjatë tërmetit të 26 nëntorit, përpara ndeshjes kuqezinjtë kanë bërë një gjest shumë të veçantë. Gazetari Ernest Koçi raporton se kanë bërë një dedikim special për Arjan Salën, heroin që humbi jetën në flakët e qendrës tregtare “Casa Italia”.
“Heroi i heshtur mes nesh”, kështu shkruhej në fanellat e veshura nga futbollistët e Kombëtares, ku në to ishte e stampuar edhe fotoja e Arjanit, 33-vjeçarit i cili mbeti mes flakëve për të shpëtuar kolegët.
Ndeshja e radhës e kuqezinjve për kualifikueset e Botërorit është me 31 mars kundër Andorës në transfertë.
Kombëtarja shqiptare nuk ka mundur të lërë gjurmë në ndeshjen eliminatore për Botërorin Katar 2022 ndaj Anglisë të zhvilluar në “Air Albania”.
Kombëtarja e “Tre Luanëve” arriti të triumfojë 0-2, me gola të shënuar nga Harry Kane dhe Mason Mount.
Anglia na ndëshkon sërish me golin e dytë. Ka qenë Mason Mount, talentit të Chelsea, i cili nuk gaboi përballë Etrit Berishës në minutën e 63.
.jpeg)
Shqipëria ka detyrën e vështirë të përballojë forcën e Anglisë sonte në “Air Albania”, pasi kjo e fundit ka shënuar golin e parë. Ka qenë lojtari Harry Kane ai i cili ka shënuar golin me kokë.
Futbollistët e kombëtares kanë bërë një gjest fisnik përpara nisjes së ndeshjes Shqipëri-Angli që do të luhet sot në orën 18:00 në stadiumin "Air Albania", ku në shenjë solidarizimi për Arjan Salën, rojen e sigurisë që ndërroi jetë në zjarrin e rënë në qendrën tregtare "Casa Italia" ka shkruar në fanellat e tyre "heroi i heshtur mes nesh". Ky gjest shumë i veçantë është bërë përpara ndeshjes kundër Anglisë dhe ka qenë një dedikim special për Arjan Salën.
Policia e Shtetit ka marrë masat për mbarëvajtjen e ndeshjes Shqipëri-Angli që do të luhet sot në orën 18:00 në stadiumin "Air Albania". Bizneset e vendosura në stadiumin ‘Air Albania’ do të mbyllen para ndeshjes dhe do të qëndrojnë të tilla deri në përfundim të saj.
Ndryshe nga ndeshjet e tjera, kësaj here rrugët nuk do të bllokohen, ndërsa rrugët rreth stadiumit do të bllokohet vetëm në momentin e mbërritjes së lojtarëve në stadiumin "Air Albania". Ndeshja do të luhet pa tifozë për shkak të pandemisë si pjesë e masave kufizuese për të shmangur përhapjen e infektimit.
Sigurimi i perimetrit të jashtëm të stadiumit ‘Air Albania’ për shkak të bizneseve u bënë objekt përplasje mes policisë së shtetit dhe Federatës Shqiptare të Futbollit. Kjo e fundit fillimisht ka bërë publike një letër të policisë së Tiranës, e cila nuk merrte përsipër organizimin e ndeshjes së kombëtares kundër Anglisë, me arsyetimin se strukturat e vendosura jashtë stadiumit nga bizneset cenojnë standardet e sigurisë. Lajmi u përgënjeshtrua nga Policia e Shtetit, e cila tha se masat janë marrë ndërsa u vendos mbyllja e bizneseve para zhvillimit të ndeshjes deri në përfundim të saj.
Në lidhje me pjesëmarrjen e tifozëve gjatë ndeshjes Shqipëri-Angli, Presidenti i Federatës Shqiptare të Futbollit Armando Duka i ka dërguar një letër kryeministrit Edi Rama ku i kërkon lejimin e tyre në masën 30%, por kjo kërkesë u refuzua nga Komiteti i Ekspertëve, pasi rrezikohet shëndeti i qytetarëve për shkak të COVID-19.
Komente
Lajme të tjera
-
Banka Qendrore e Anglisë, thirrje për afrim me Bashkimin Evropian
15 Nëntor, 08:29 -
Liga e Kombeve/ Italia mposht Belgjikën dhe prek fazë çerekfinale, Franca kalon më tej me ‘X’! Fitojnë Anglia e Norvegjia, shënon Haaland
14 Nëntor, 22:55 -
Liga e Kombeve/ Parisi 'blindohet' me 4 mijë policë, luhet Francë - Izrael! Në stadium dhe Macron, sot edhe Italia e Anglia
14 Nëntor, 10:05 -
Dëmtim në minutat e fundit, tetë lojtarë ‘refuzojnë’ grumbullimin me Anglinë
13 Nëntor, 16:02 -
Bundesliga/ Bayern mposht pastër Union Berlinin me golat e Kane dhe Coman, Frakfurt shkatërron 7-2 Bochumin
2 Nëntor, 17:40 -
Zyrtare/ Thomas Tuchel konfirmohet si trajneri i i ri Anglisë, kontratë 18 mujore: Privilegj i madh
16 Tetor, 10:51 -
Pellegrini dënon Italinë, s'ka fitues kundër Belgjikës! Franca s'pyet për Izraelin, Greqia bën befasinë e madhe në Londër
11 Tetor, 11:15 -
Tre futbollistë largohen nga grumbullimi i Anglisë, u dëmtuan me skuadrat e tyre
8 Tetor, 15:39 -
Liga e Kombeve/ Anglia publikon listën, rikthehet Jude Bellingham
4 Tetor, 15:01 -
Shifrat e EUROSTAT: Për gjashtë muaj janë riatdhesuar 5120 shqiptarë nga vendet e BE-së dhe Anglia, një e katërta u kthyen vullnetarisht
3 Tetor, 17:54 -
E bujshme/ Dëmtimi i Ter Stegen te Barcelona, ‘Mundo Deportivo’: Etrit Berisha një nga kandidatët për ta zëvendësuar
24 Shtator, 08:14 -
Katër futbollistët e Kombëtares që janë ende pa kontratë
13 Shtator, 13:36
Kur mendon nivelin e Anglise,kujtova se do hanim me shume gola,me kaq eshte gjysma e te keqes dhe turpit.Por duhet t'a pranojme qe as kemi patur,as kemi,as kemi per te patur ndonjehere futboll.Kot sa genjejme veten dhe nuk ka as stadium te ri,as trajner te huaj,apo vendas qe te na nxjerre nga balta.Ne kemi vetem deshiren,por nuk kemi as vullnet,as talent,as kembe,as zemer,as pasion.
PërgjigjuPo merr në Kombëtare Golashënuesit e Kampionatit Shqiptar, Lojtarë si Muçi i Tironë s që shkoi në Poloni,sepse Sulm s'ke fare,nuk finalizon dot???!!!
PërgjigjuNë sulm pse nuk merr Çuna që luajnë në Shqipëri?!apo interesa prokurorësh, që japin Mance a borbuare?!
PërgjigjuReja duhet të ikë e të shijojë pensionin,nuk është Trajner,0 me bisht,dhe fodulle!..Cikalleshi ishte Out fare, në sulm ky Broja mezi kapi 1 top???!!..Kur u futen në min e 60,Lenjani etj, Shqipëria filloi të luajë e të qarkullojë topin!!
PërgjigjuPortjeri pa reflekse kur hongri golin e pare, por hudhu or i shkret mos rri si hu gardhi edhe pse gjysmat e lekve per shtrimin e fushes Duka i ka fut ne xhepin e tij por nji cik bar e ka lon qe mos te vritesh
PërgjigjuU shit dhe kjo ndeshje si gjithmone,deri sa te jete Duka ne krye e Alban Bushi mos prisni te kualifikohet kombetarja.Gjithmone e njejta histori jo gabimi ketij jo atij e ne fund cunat marrin leket e basteve.
PërgjigjuHahahah pse ja fut kot o shoku , shitje ndeshje kundra Anglise ? Ne me zor mundem Andorren , kaq nivel kemi me Duken apo pa ate . Te drejte ke ne nje gje qe duhet ndryshim patjeter se u be si Enveri te futet pak fryme e re
KETYRE R.P Q...E S'DUHET LEJUAR TE MARIN FITORE.... TE NA ROJ MËMA SHQIPERI
Përgjigju