POP 5

Lajmet më të lexuara të 5 minutave të fundit

Politikë

Rekomandimi i KE, Basha: S'ka vend për festë, momenti për të punuar

Përmes një postimi në Facebook, Basha shkruan se nuk ka vend për festë, por për t'iu futur punës, ndërsa thekson se disa vende janë skeptike, duke përmendur Gjermaninë ku ai zhvilloi edhe një vizitë zyrtare.
Rekomandimi i KE, Basha: S'ka vend për festë, momenti për të punuar

Kryetari i PD, Lulzim Basha

Kryetari i PD, Lulzim Basha ka reaguar për herë të parë pas zyrtarizimit nga KE të rekomandimit pozitiv për çeljen e negociatave me Shqipërinë. Përmes një postimi në Facebook, Basha shkruan se nuk ka vend për festë, por për t'iu futur punës, ndërsa ngre shqetësimin se disa vende janë skeptike për të votuar pro Shqipërisë, duke përmendur Gjermaninë ku ai zhvilloi edhe një vizitë zyrtare. 

Rekomandimi i Komisionit Europian për çeljen e negociatave me Shqipërinë është një vendim i rëndësishëm që i paraprin takimit të Këshillit Europian në 28-29 qershor 2018, kur vendet anëtare do të vendosin për hapjen e negociatave me Shqipërinë. Para së gjithash, ai është shprehje e vullnetit politik të BE-së për të mbështetur aspiratën europiane të Shqipërisë.

Por sot nuk është momenti për të festuar, por për të punuar. Disa nga vendet kryesore Europiane janë skeptikë për Shqipërinë, dhe kërkojnë arritje dhe prova të vërteta, veçanërisht në shtetin e së drejtës, luftën kundër krimit dhe korrupsionit.

Një nga këto vende është Gjermania, parlamenti i së cilës është ende i pavendosur për qëndrimin ndaj Shqipërisë. Sot kam zhvilluar takime të shumta me parlamentarë dhe funksionarë të qeverisë gjermane, në të cilat kam argumentuar pro hapjes së negociatave si një hap i rëndësishëm në vetvete për të forcuar demokracinë, shtetin ligjor dhe luftën kundër krimit dhe korrupsionit.

Zhvillova seancë dëgjimore me deputetët e grupit më të madh parlamentar gjerman CDU/CSU, dhe me anëtarët të Komisionit për Çështjet Europiane dhe të Politikës së Jashtme. Pata takime të vecanta me Johann Ëadephul, Nënkryetar i Grupit Parlamentar CDU/CSU dhe Kryetar i Grupit të Punës për Ballkanin, me Gunther Krichbaum, Kryetarin e Komisionit për Çështje Europiane; me Raporterin e CDU/CSU për Shqipërinë Thorsten Frei, me Këshilltarin e Grupit CDU/CSU për punët e Jashtme dhe sigurinë Joachim Falenski. Takime të rëndësishme zhvillova edhe me përfaqësues të lartë të qeverisë dhe në kancelarinë gjermane ku u prita nga Këshilltari i Kancelares Merkel për Politikën e Jashtme dhe Sigurinë Dr. Jan Hecker.

Shpresoj që këto takime të kenë kontribuar sadopak që qeveria gjermane dhe Bundestagu të mbështesë dhe votojë pro hapjes së negociatave, duke i hapur rrugën votës pro të Gjermanisë në qershor. Sikurse shpresoj që edhe Franca dhe Hollanda do të përqafojnë aspiratën e madhe të shqiptarëve për të qënë pjesë e BE-së.

Lulzim Basha, kryetar i PD

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zylo: 18/04/2018 03:10

    Mos fluturoni me preshe ne Balla kur te BURGOSET Tahiri atehere mund te shpresohet per hyrje ne BE

    Përgjigju
    • Sulo: 18/04/2018 04:09

      Por vend ne burg nuk ka se burgjet jane plot me kllufa si puna jote

  • Ben Tironci: 17/04/2018 22:54

    O Lulaqe neperka? E zgjate bishti ?Kur gjarperi rrit bishtin shton helmin.Nxorre vrerin ne Gjermani?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46