TIRANË-Të kthehesh në shkollë pas pushimeve të verës nuk është e lehtë për të gjithë fëmijët. Emocionet që përjetojnë me nisjen e vitit të ri shkollor janë të ndryshme.
Drejtoresha e shkollës 9-vjeçare, "Servete Maçi", tha për Report Tv se përgjithësisht fëmijët janë përshtatur me shkollën, por ka dhe nga ata që kanë hasur vështirësi.
“Në ditën e parë ne kemi patur 57 nxënës të klasës së parë, normalisht kanë vijuar mirë, me përjashtime të vogla fëmijët që kanë ato problemet e ambientimit ditën e parë, por ditën e dytë të tërë janë përshtatur goxha mirë. Ndërsa tani jemi në mësim normal”-u shpreh drejtoresha e shkollës
Disa prej fëmijëve u shprehen te entuziazmuar për fillimin e shkollës.
Si i kaluat ditët e para të shkollës?
Shumë mirë.
Po ambientoheni?
Po
Të ka marrë malli për pushimet e verës?
Po
Je ambientuar me fillimin e ri të shkollës?
Po jam ambientuar shumë mirë-u shprehën disa fëmijë
Drejtoresha tregon se kjo shkolle ka të implementuar dhe programin e muzikës, ku luhen instrumente si piano,violinë dhe violinçelë.
“Në programin e muzikës ne kemi 110 fëmijë në total në të gjithë shkollën. Fëmijët regjistrohen paraprakisht, ata që kanë dëshirë për tu regjistruar në instrument. Organizohet pastaj ngritja e komisionit që është me 5 apo me 7 veta dhe fitues shpallen fëmijët që marrin mbi 50% të pikëve”-tha drejtoresha e shkollës
Report Tv ndoqi nga afër një pjesë të orës mësimore ku luhej instrumenti i violinës.
“Duke pasur parasysh që jemi në muzikë dhe në instrument, aktualisht në instrumentin e violinës, mësimi është individual, pra çdo fëmijë ka orarin e vetë, 45 minutëshin e vetë”-tha mësuesja e violinës
Ndryshimet që vijnë me rikthimin në shkollë janë të shumta, por një ndër to është dhe ndalimi i telefonit në këto ambiente. Fëmijët sapo hyjnë në shkollë i dorëzojnë telefonat tek mësuesja kujdestare dhe i marrin në fund të ditës.
Komente
Lajme të tjera
-
Viti i ri shkollor, Açka në Komisionin e Edukimit: 58 mijë nxënës janë larguar në 5 vite për shkak të emigrimit masiv! Partia e Lirisë: Shqipëria ka buxhetin më të ulët për arsimin në rajon
12 Shtator 2022, 10:31 -
Vlera e çmuar e një shkolle me emrin Andrea Stefani
12 Shtator 2022, 10:16
-
Kongresi Kombëtar i Arsimit! Rama: Gjuha shqipe sot më e rrezikuara, kërcënimi më i madh se asnjëherë! Të mbrohet me provim njësoj si anglishtja
12 Shtator 2022, 08:30 -
Sot nisi viti i ri shkollor për 450 mijë nxënës, rreth 29 mijë ulen për herë të parë në bankat e shkollës! Trafik i rënduar në Tiranë
12 Shtator 2022, 07:22 -
Dita e parë e shkollës! Vlorë, Fier dhe Korçë, mësim me dy turne, bie numri i regjistrimeve në klasë të parë
27 Shtator 2021, 20:05 -
FOTO LAJM/ Linda Rama me Zahon për ditën e parë të shkollës: Vit sfidues për fëmijët
14 Shtator 2020, 17:32
Te ka marre malli per pushimet e veres?! Goce sa u kthye ne shkolle vajza, tre dite ka. Cfare pushime vere thua
Përgjigju