POP 5

Lajmet më të lexuara të 5 minutave të fundit

Kronikë

Report TV zbërthen me pamje dinamiken e vrasjes së Nikulajt! ‘Spiuni’ anglez në hotelin e biznesmenit 8 ditë para krimit! Ekzekutori portugez hyn në lokal pas informatave

Pasi kishte marrë porosinë dhe paratë nga Edmond Haxhia, shtetasi anglez Steven Hunt që shërbeu si informator, shkoi i qetë në hotel Coral në pronësi të Adrian Nikulajt, për të mbikëqyrur çdo lëvizje të tij e për të informuar më vonë ekzekutorin portugez Ruben Saravia të cilin po e shihni në këtë foto ekskluzive të siguruara nga Report Tv.

Pasi kishte marrë porosinë dhe paratë nga Edmond Haxhia, shtetasi anglez Steven Hunt që shërbeu si informator, shkoi i qetë në hotel Coral në pronësi të Adrian Nikulajt, për të mbikëqyrur çdo lëvizje të tij e për të informuar më vonë ekzekutorin portugez Ruben Saravia të cilin po e shihni në këtë foto ekskluzive të siguruara nga Report Tv.

Anglezi është fiksuar për herë të parë nga kamerat e sigurisë më 11 prill të këtij viti, 8 ditë para se Nikulaj të qëllohej për vdekje me një pistoletë.

Siç duket në këto pamje të siguruara nga Report Tv, anglezi Steven Hunt, hyn i qetë brenda hotelit dhe i drejtohet recepsionit. Rojën e gjen duke fjetur. Më pas i shkujdesur bën disa ecejake në holl dhe merret me celularin e tij.

Për 8 ditë me radhë, ai ka informuar bashkëpunëtorët për lëvizjet e Nikulajt, dhe ka dyshime se ka ndërhyrë edhe në sistemin e kamerave të sigurisë për të parë në çdo moment lëvizjet e shenjstrës dhe për t’i raportuar tek vrasësi.

Ndërkaq, pamja e parë e dokumentuar e portugezit Ruben Saravia, shfaqet në një motor, fiksuar nga kamerat e sigurisë teksa udhëtonte nga Shkodra drejt Shëngjinit, me misionin për të ekzekutuar biznesmenin Ardian Nikulaj.

Fotoja i përket datës 19 prill, pikërisht ditën që biznesmeni u qëllua për vdekje.

Më pas, ai u fiksua në ambientet e hotelit Coral teksa i drejtohet hyrjes së hotelit. Në një moment Saravia kthehet nga rruga, për të hyrë më pas brenda barit të hotelit ku ndodhej objektivi, e për të cilin ishte informuar në çdo moment.

Disa sekonda më vonë, Ruben Saravia hyn qetësisht në lokal, përshëndet objektivin me fjalët “si kalut”, duke konfuzuar kështu të pranishmit e duke mos rënë në sy se ishte shtetas i huaj.

Më pas, qëllon 7 herë në drejtim të biznesmenit 51-vjeçar Ardian Nikulaj dhe largohet me shpejtësi.

Pikërisht 19 prilli është edhe dita kur ekzekutori portugez, informatori anglez dhe bashkëpunëtorët e tjerë janë parë për herë të fundit në Shqipëri. Ata mendohet se i janë drejtuar Britanisë së madhe ku edhe janë rezidentë.

 

B.V/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça